ऑईलचा टँकर उलटला, भीषण आगीच्या तांडवात होरपळून १ ठार

धुळे : जिल्ह्यात बालकांमधील कुपोषणाची समस्या गंभीर आहे. जिल्हा परिषदेच्या आरोग्य विभागात नुकतीच जिल्ह्यातील एक लाख ४३ हजार बालकांची आरोग्य तपासणी करण्यात आली आहे. या आरोग्य तपासणीत तब्बल तीन हजार ४०० बालके कुपोषित असल्याचे समोर आले आहे. आता या बालकांना ग्राम बाल स्वास्थ्य केंद्रात दाखल करण्यात येणार आहे.

बालकांमधील कुपोषणाची समस्या कमी करण्यासाठी शासनस्तरावरुन प्रयत्न केले जातात. कुपोषणाच्या समस्येचे समूळ उच्चाटन करण्यासाठी माता गरोदर असल्यापासून गर्भाच्या आरोग्याची काळजी घेण्यासाठी विविध योजनादेखील शासन पातळीवर राबविण्यात येत आहेत. तरीदेखील बालकांमधील कुपोषणाची स्थिती गंभीर आहे. यावरुन कुपोषण निर्मूलनासाठी केल्या जाणाऱ्या उपाययोजना तोकड्या ठरत असल्याचे सिद्ध होते. जिल्हा परिषदेचा आरोग्य विभागाने विशेष मोहिमेंतर्गत जिल्ह्यातील एक लाख ४३ हजार बालकांची आरोग्य तपासणी नुकतीच पूर्ण केली आहे.

या तपासणीत तब्बल तीन हजार ४०० बालके कुपोषित असल्याचे आढळून आले आहे. ही बालके तीव्र कमी वजनाची आहेत. बालकांना पुरेसा आहार योग्यरितीने मिळत नसल्याने ही समस्या निर्माण होत आहे. म्हणून कुपोषित बालकांच्या भरणपोषणासाठी जिल्हा परिषदेच्या महिला व बालकल्याण विभागातर्फे जिल्ह्यात ८२६ ग्राम बाल स्वास्थ्य केंद्र सुरु करण्यात येणार आहेत. या केंद्रांमध्ये कुपोषित बालकांना दाखल करण्यात येणार आहे. ग्राम बाल स्वास्थ्य केंद्रांमध्ये दाखल करण्यात आलेल्या कुपोषित बालकांना पोषण आहार दिला जाणार आहे. तसेच कुपोषण दूर होण्यासाठी आवश्यक औषधे दिली जाणार आहेत. पोषण आहार व औषधोपचारातून बालकांमधील कुपोषण दूर करण्यासाठी प्रयत्न होणार आहेत, अशी माहिती महिला व बालकल्याण विभागाचे उपमुख्य कार्यकारी अधिकारी संजय बागूल यांनी दिली.