Olympian Footballer | ऑलम्पियन फुटबॉलर एस.एस. हकीम यांचे निधन, 82 व्या वर्षी घेतला अखेरचा श्वास

नवी दिल्ली : Olympian Footballer | माजी भारतीय फुटबॉलर आणि 1960 च्या रोम ऑलम्पिकमध्ये (Olympian Footballer) भाग घेणारे सैयद शाहिद हकीम (S.S. Hakim) यांचे गुलबर्गाच्या एका हॉस्पिटलमध्ये रविवारी निधन झाले. कौटुंबिक सूत्रांनी ही माहिती दिली. हकीम साहब नावाने लोकप्रिय सैयद शाहिद हकीम 82 वर्षांचे होते. त्यांना अलिकडेच हृदयविकाराचा झटका आला होता, ज्यानंतर त्यांना गुलबर्गाच्या एका हॉस्पिटलमध्ये दाखल केले होते.

हकीम पाच दशकापर्यंत भारतीय फुटबॉलशी संबंधित होते. ते नंतर कोच झाले आणि त्यांना द्रोणाचार्य पुरस्काराने सुद्धा सन्मानित करण्यात आले होते. ते आशियाई खेळ 1982 मध्ये पी.के. बॅनर्जी यांच्यासह कोच होते आणि नंतर मर्डेका कपच्या दरम्यान राष्ट्रीय टीमचे मुख्य कोच बनले.

स्थानिक स्तरावर कोच म्हणून त्यांची सर्वात चांगली कामगिरी महिंद्रा अँड महिंद्रा (आता महिंद्रा युनायटेड) कडून झाली, ते असताना टीमने 1988 मध्ये ईस्ट बंगालच्या मजबूत टीमला पराभूत करून डूरंड कप जिंकला होता. ते साळगावरचे सुद्धा कोच होते.

ते फीफाचे अंतरराष्ट्रीय रेफरी सुद्धा होते आणि त्यांना प्रतिष्ठित ध्यानचंद पुरस्काराने सुद्धा सन्मानित
केले गेले. हवाई दलाचे माजी स्कॉड्रन लीडर हकीम भारतीय खेळ प्राधिकरणाचे प्रादेशिक संचालक
सुद्धा होते. ते अंडर-17 फीफा वर्ल्ड कपच्या पूर्वी प्रकल्प संचालक सुद्धा होते.

हकीम सेंट्रल मिडफील्डर म्हणून खेळत असत. यानंतर त्यांना आशियाई खेळ 1962 मध्ये सुवर्ण पदक जिंकणार्‍या टीममध्ये स्थान मिळवता आले नव्हते.

हे देखील वाचा

Pune Corona | पुण्यात गेल्या 24 तासात कोरोनाचे 197 नवे रूग्ण, जाणून घ्या इतर आकडेवारी

Unicef New Report | युनिसेफ रिपोर्ट : भारतासह जगातील 1 बिलीयन मुलांना जलवायु परिवर्तनाचा गंभीर धोका

Social Media | PAK मधून समोर आला लज्जास्पद Video, तरुणाने चालत्या रिक्षात घुसून महिलेला केले KISS (व्हिडीओ)

ट्विटर ला देखील फॉलो करा

फेसबुक ला लाईक करा