Coronavirus : ‘महामारी’ नैसर्गिक की मानव निर्मित हे सांगणार नवं ‘उपकरण’
file photoनवी दिल्ली : वृत्तसंस्था : संपूर्ण जग सध्या कोविड -१९ च्या विळख्यात सापडले आहे. याचा सामना करण्यासाठी शास्त्रज्ञ प्रयोगशाळांमध्ये दिवसरात्र काम करत आहेत. परंतु हा विषाणू कसा पसरला हे अद्याप माहित नाही. हा विषाणू नैसर्गिक कारणांमुळे उद्भवला की मानवनिर्मित उद्भवला आहे ? या प्रश्नांची उत्तरे अद्याप कुणालाही माहित नाही.
परंतु आता या साथीच्या आजारास कारणीभूत घटकांची ओळख पटवण्यासाठी संशोधकांनी एक नवीन साधन विकसित केले आहे, ज्याद्वारे महामारी नैसर्गिक आहे की मानवनिर्मित आहे हे समजू शकते. संशोधकांचे म्हणणे आहे की नवीन डिव्हाइसमुळे कोरोनासारख्या साथीच्या आजाराच्या उत्पत्तीची तपासणी करणे सुलभ होईल.
ऑस्ट्रेलियाच्या न्यू साउथ वेल्स विद्यापीठातील संशोधकांच्या मते, असे मानले जाते की प्रत्येक प्रकोप हा सामान्यतः नैसर्गिक असतो. त्याच्या जोखमीच्या उत्पत्तीचे मूल्यांकन करताना अनैसर्गिक कारणे समाविष्ट केले जात नाही. त्याचे सर्वात मोठे नुकसान हे होते की भविष्यात आपल्याला आणखी एखाद्या साथीच्या रोगाचा सामना करावा लागू शकतो. म्हणूनच काळाच्या बदलाबरोबर आपण कोणत्याही साथीच्या अनैसर्गिक कारणाकडेही लक्ष दिले पाहिजे जेणेकरून भविष्यातील पिढ्यांना अशा धोक्यांपासून वाचवता येईल.
एका वृत्तसंस्थेने प्रकाशित केलेल्या अभ्यासात म्हटले आहे की, साथीच्या घटकांचा शोध घेण्यासाठी संशोधकांनी जीएफटी नावाच्या मूल्यांकन उपकरणात बदल करून ‘एमजीएफटी’ तयार केले आहे. मागील काही प्रकोपांचे मूल्यांकन करण्यासाठी जीएफटी वापरण्यात आले होते.
11 निकषांवर आधारित
संशोधकांनी सांगितले की हा प्रकोप अनैसर्गिक आहे की नैसर्गिक आहे हे निश्चित करण्यासाठी डिव्हाइसचे ११ निकष आहेत. या डिव्हाइसमुळे महामारी राजकीय किंवा दहशतवाद्यांनी केलेल्या जैविक हल्ल्याचा परिणाम आहे की नाही हे देखील हे समजू शकते. तसेच ते म्हणाले की, नवीन उपकरणांमध्ये अशी क्षमता आहे की ते रोगजनकांच्या असामान्य, दुर्मिळ आणि नवीन समस्या आहेत किंवा मग सिंथेटिक बायोटेक्नॉलॉजीद्वारे जनुकांचे संपादन करून तयार केले गेले आहेत की नाही, याची तपासणी देखील करू शकते.
कृत्रिम रोगजनक पर्यावरणीय स्थिरता निर्माण करतात
शास्त्रज्ञांचा असा विश्वास आहे की प्रयोगशाळांमध्ये विकसित झालेल्या रोगजनकांमुळे क्षमता वाढविण्याबरोबरच पर्यावरणीय स्थिरता देखील वाढू शकते. या व्यतिरिक्त, सहसा अशा विषाणूवर कोणतेही उपचार उपलब्ध नसतात आणि त्यांना ओळखणे कठीण होते.