ताज्या बातम्याराजकीयराष्ट्रीय

Coronavirus : PM मोदींनी राज्यांनां केलं टेस्टिंग वाढवण्याचं आवाहन, म्हणाले – ’72 तासाचा फॉर्म्युला वापरा’

prime minister modis file photo

नवी दिल्ली : वृत्तसंस्था – मंगळवारी पंतप्रधान नरेंद्र मोदींनी कोरोना संकटाबाबत मुख्यमंत्र्यांसमवेत बैठक घेतली. यावेळी ते म्हणाले की, जसजसा काळ जात आहे तसतसे महामारीचे रूप बदलत आहे आणि बर्‍याच प्रकारच्या परिस्थिती निर्माण होत आहेत. पंतप्रधान नरेंद्र मोदी म्हणाले की, बिहार, गुजरात आणि तेलंगणा सारख्या राज्यात चाचणी वाढवण्याची गरज आहे.

पंतप्रधान म्हणाले की, तज्ञ देखील हे लक्षात ठेवून आहेत की जर ७२ तासांत चाचणी झाली तर जीव वाचू शकतो.

आपल्या भाषणात पंतप्रधान म्हणाले की, आता याच ७२ तासाच्या फॉर्म्युल्यावर लक्ष केंद्रित करावे लागेल, जे लोक कोरोना पॉझिटिव्ह असल्याचे जाणवेल, तेव्हा ७२ तासात त्यांच्या संपर्कात आलेल्या सर्व लोकांची चाचणी करणे आवश्यक आहे. दिल्ली-यूपीमध्ये परिस्थिती भयावह होती, परंतु आता चाचणी वाढवल्यानंतर परिस्थिती सुधारली आहे.

पंतप्रधान मोदी म्हणाले की, सतत बैठक घेणे आवश्यक आहे, कारण महामारीबाबत नवनवीन गोष्टी समोर येत आहेत. आता रुग्णालयांवर दबाव, आरोग्य कर्मचाऱ्यांवर दबाव, सामान्य लोकांवर दबाव येत आहे. प्रत्येक राज्य आपल्या पातळीवर महामारी विरूद्ध लढाई लढत आहे. केंद्र आणि राज्य एक संघ म्हणून आज काम करत आहेत.

पंतप्रधानांनी मुख्यमंत्र्यांना सांगितले की, अशा मोठ्या संकटात सगळ्यांनी एकत्र काम करणे ही एक मोठी गोष्ट आहे, आज ८० टक्के सक्रिय प्रकरणे केवळ दहा राज्यात आहेत. देशात ६ लाखाहून अधिक सक्रिय प्रकरणे आहेत. बहुतेक प्रकरणे दहा राज्यात आहेत, त्यामुळे या राज्यांशी चर्चा होणे आवश्यक आहे. ते म्हणाले की, जर सर्व राज्यांनी एकत्रितपणे आपले अनुभव शेअर करावे. चाचणी संख्या वाढत आहे.’

पीएम मोदी म्हणाले की, देशात मृत्यू दर, पॉझिटिव्ह रेट कमी झाला आहे आणि रिकव्हरी रेट वाढत आहे. ते म्हणाले की, चाचणी सतत वाढवावी लागेल आणि मृत्यू दर १ टक्क्यांहून कमी ठेवावा लागेल. या बैठकीत महाराष्ट्र, गुजरात, उत्तर प्रदेश, बिहारसह दहा राज्यांच्या मुख्यमंत्र्यांनी हजेरी लावली, जिथे कोरोना विषाणूचे प्रमाण सर्वाधिक आहे.