क्राईम स्टोरीताज्या बातम्यापुणे

Pune Crime | हॉटेलमध्ये शिरुन तोडफोड करीत उकळली खंडणी; दरमहा हप्ता व फुकट दारुची मागणी करणार्‍या गुंडावर गुन्हा दाखल

Pune Crime | Extorted ransom by breaking into the hotel; A case has been filed against the goon who demanded monthly installments and free liquor File Photo

पुणे : पोलीसनामा ऑनलाइन – Pune Crime | शिवणे (Shivne, Pune) येथील हॉटेलमध्ये शिरुन दरमहा ५ हजार रुपये हप्त्याची मागणी करुन हॉटेलमध्ये तोडफोड करुन दहशत निर्माण करीत खंडणी (Extortion) उकळल्याचा प्रकार समोर आला आहे. याप्रकरणी उत्तमनगर पोलिसांनी (Uttamnagar Police) गणेश शिंदे (Ganesh Shinde) याच्याविरुद्ध गुन्हा (FIR) दाखल केला आहे. (Pune Crime)

 

याबाबत तुकाराम सोपान इंगळे Tukaram Sopan Ingle (वय ५५, रा. शिवणे) यांनी उत्तमनगर पोलीस ठाण्यात (Uttamnagar Police Station) फिर्याद (गु. रजि. नं. ९७/२२) दिली आहे.

याबाबत पोलिसांनी दिलेल्या माहितीनुसार, फिर्यादी यांचे शिवणे येथे अ‍ॅपल रेस्टो बार (Apple Resto Bar) आहे. गणेश शिंदे हा शुक्रवारी रात्री बारमध्ये आला. त्याने फिर्यादी यांना दरमहा ५ हजार रुपये हप्ता पाहिजे व फुकट दारू पाहिजे, अशी मागणी केली. फिर्यादी यांनी नकार दिल्याने त्याने बारमध्ये तोडफोड करुन मॅनेजरला शिवीगाळ करुन मारहाण (Beating) केली. तसेच बार मधील ग्राहकांना शिवीगाळ करुन खल्लास करण्याची धमकी (Threat) दिली. खुर्च्या व दारुच्या बाटल्यांची तोडफोड केल्याने ग्राहक पळून गेले. त्यानंतर शनिवारी दुपारी शिवणे येथील गावडे केक शॉपसमोर (Gawde Cake Shop) फिर्यादी यांना भेटून त्याने पुन्हा दरमहा ५ हजार रुपये हप्ता व फुकट दारुची मागणी केली. तेव्हा त्याला शांत करण्यासाठी फिर्यादी यांनी २ हजार रुपये दिले. दरमहा हप्ता व फुकट दारु दिली नाही तर घरात घुसुन जीवे ठार मारण्याची धमकी (Threats To Kill) दिली. त्यामुळे त्यांनी घाबरुन पोलिसांकडे धाव घेतली असून
सहायक पोलीस निरीक्षक रोकडे (Assistant Police Inspector Rokade) तपास करीत आहेत.

 

Web Title :- Pune Crime | Extorted ransom by breaking into the hotel; A case has
been filed against the goon who demanded monthly installments and free liquor

 

Join our WhatsApp Group, Telegram, facebook page and Twitter for every update

 

हे देखील वाचा