पुणे – आगामी लोकसभा निवडणुकीसाठी (Pune Lok Sabha) ‘है तैयार हम’ अशा निर्धाराने काँग्रेस कार्यकर्ते सज्ज झाले असून, नागपूर येथे दि.२८ डिसेंबर रोजी होणाऱ्या विशाल रॅलीत लाखोंच्या संख्येने सहभागी होतील, अशी माहिती माजी आमदार, महाराष्ट्र प्रदेश काँग्रेसचे उपाध्यक्ष मोहन जोशी (Congress Leader Mohan Joshi) यांनी दिली. (Pune Lok Sabha)
राष्ट्रीय काँग्रेस (Congress) पक्षाच्या १३९व्या स्थापना दिनानिमित्त नागपूर येथे ‘है तैयार हम’ महारॅली आयोजित करण्यात आली आहे. पक्षाचे राष्ट्रीय अध्यक्ष मल्लिकार्जुनजी खरगे (Mallikarjunji Kharge), काँग्रेस संसदीय दलाच्या अध्यक्षा खासदार सोनिया गांधी (Sonia Gandhi), पक्षाचे नेते खासदार राहुल गांधी (MP Rahul Gandhi), प्रियांका गांधी, महाराष्ट्राचे प्रभारी रमेश चेन्निथला, देशातील काँग्रेस पक्षाचे वरिष्ठ नेते आणि पदाधिकारी यांच्या उपस्थितीत ही रॅली होणार आहे. या महारॅलीमध्ये लोकसभा निवडणुकीचे रणशिंग फुंकले जाईल. महाराष्ट्रात काँग्रेस पक्षाला अनुकूल वातावरण तयार झाल्याची मतं ताज्या सर्व्हेंमधून दिसून आलेली आहेत. या वातावरणात लक्षावधी कार्यकर्ते नागपूर येथील महारॅलीत सहभागी होतील. पुणे शहर आणि जिल्ह्यातूनही शेकडो कार्यकर्ते रॅलीत सहभागी होण्यासाठी नागपूरकडे रवाना होणार आहेत, अशी माहिती मोहन जोशी यांनी पत्रकात दिली आहे. (Pune Lok Sabha)
देशात लोकशाही टिकविण्याचा निर्धार काँग्रेसजनांनी केलेला आहे. दलित, अल्पसंख्याक यांच्यावर होणाऱ्या
अत्याचाराला विरोध, महागाई, बेरोजगारी याचा निषेध आणि १४६ खासदारांना निलंबित केल्याचा जाब या
महारॅलीत सरकारला विचारला जाईल. महारॅलीत कार्यकर्त्यांना प्रेरणादायी संदेश दिला जाईल, असे मोहन जोशी यांनी
पत्रकात म्हटले आहे.
Join our WhatsApp Group, Telegram, facebook page and Twitter for every update
हे देखील वाचा
Home Remedies For Swollen Feet | पायांची सूज होईल दूर, फक्त करा ‘हे’ 5 घरगुती उपाय…
