देहूरोड/पुणे : ऑनलाइन टीम – किरकोळ कारणावरुन झालेल्या पती-पत्नीच्या भांडणात पत्नीने पतीला शिवी दिली. याचा राग आल्याने पतीने पत्नीचा गळा दाबून खून केल्याची घटना देहूरोड(Dehuroad) येथे घडली आहे. ही घटना गुरुवारी (दि.27) रात्री सातच्या सुमारास गाथा मंदीर रोडवरील साईनगरी वाडाचा मळा, नामदेव निवास येथे घडली. याप्रकरणी देहूरोड(Dehuroad) पोलिसांनी पतीला अटक केली आहे.
WTC 2021 फायनलच्या पूर्वी सरावाच्या मॅचमध्ये न्यूझीलँडने दाखवला ‘जोश’, टीम इंडियाला दिला ’इशारा’
पूजा वैभव लामकाने (वय-19) असे खून झालेल्या महिलेचे नाव आहे. तर वैभव भगवान लामकाने (वय-23) असे अटक करण्यात आलेल्या पतीचे नाव आहे. याप्रकरणी मयत पूजाचे वडील सोमनाथ रामदास पाटील (वय-50 रा. बाजार आळी, देहुगाव) यांनी देहूरोड पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, पुजा आणि वैभव या पती-पत्नीमध्ये किरकोळ कारणावरुन भांडण झाले. भांडणात पूजाने पती वैभवला आई वरुन शिवी दिली. शिवी दिल्याच्या रागातून वैभवने पत्नी पूजाचा गळा दाबून खून केला. अशी फिर्याद मयत पूजाच्या वडिलांनी दिली आहे. त्यांच्या तक्रारीवरुन आरोपी वैभवला अटक करण्यात आली आहे. पुढील तपास सहाय्यक पोलीस निरीक्षक शाहीद पठाण करीत आहेत.
फॅफ ड्यू प्लेसिस अन् ख्रिस गेल यांनी घेतला महत्त्वाचा निर्णय ! जाणून घ्या कोणाचं वाढलं ‘टेन्शन’
फाटलेल्या टाचा काही दिवसातच होतील ‘मुलायम’, वापरा हे DIY Foot Mask