Sharad Pawar | गुजरात विधानसभा निवडणुकीपूर्वी शरद पवारांना मोठा धक्का
file photoगांधीनगर: वृत्तसंस्था – येत्या डिसेंबर महिन्यात गुजरात विधानसभेची निवडणूक (Gujarat Assembly Election 2022) होणार आहे. त्यासाठी भाजप, काँग्रेस आणि आप पक्षासह इतरही लहान मोठे पक्ष रिंगणात उतरले आहेत. पण दुसरीकडे राष्ट्रवादी काँग्रेस पक्षाचे (NCP) अध्यक्ष शरद पवार (Sharad Pawar) यांना मोठा धक्का मिळाला आहे. गुजरातमधील एकूलता एक आमदार कंधाल जडेजा (Kandhal Jadeja) यांनी राष्ट्रवादीला राजीनामा दिला आहे. त्यामुळे शरद पवारांना (Sharad Pawar) हा मोठा धक्का मानला जात आहे.
पोरबंदरमधील कुटियाना येथून जडेजा यांना राष्ट्रवादी काँग्रेसने उमेदवारी नाकारल्याने त्यांनी पक्षाला राम राम केल्याचे सांगितले जात आहे. जडेजा हे 2012 पासून कुटियाना मतदार संघातून निवडून येत आहेत. 2017 साली त्यांनी 50 टक्क्यांपेक्षा जास्त मतांनी भाजप आणि काँग्रेसच्या उमेदवारांचा पराभव केला होता.
पण राष्ट्रपतींच्या निवडणुकीत त्यांनी पक्षाचा व्हिप डावलून भाजपच्या बाजूने मत दिले होते.
त्यामुळे पक्ष त्यांच्यावर नाराज होता.
उमेदवारी नाकारल्याने त्यांनी राजीनामा दिल्याचे राष्ट्रवादीच्या गुजरात प्रदेशाध्यक्षांनी सांगितले आहे.
(Sharad Pawar)
गुजरात विधानसभेत 182 जागांसाठी निवडणुका होणार आहेत. यावेळी सत्ताधारी भाजपला खाली खेचण्यासाठी
आप (AAP) आणि काँग्रेस (INC) मैदानात उतरली आहे. तसेच या निवडणुकीसाठी दोन टप्प्यांत मतदान होणार
आहे. पहिल्या टप्प्यातील मतदान 1 डिसेंबरला होणार असून, दुसऱ्या टप्प्यासाठी 5 डिसेंबरला मतदान होणार आहे.
8 डिसेंबरला निवडणुकांची मतमोजणी होऊन निकाल जाहीर करण्यात येणार आहेत.
Web Title :- Sharad Pawar | big setback to ncp chief sharad pawar lone mla kandhal jadeja resigns after ticket denial in gujarat election 2022
Join our WhatsApp Group, Telegram, facebook page and Twitter for every update
Supriya Sule | जितेंद्र आव्हाडांनी राजीनाम्याचा विषय डोक्यातून काढून टाकावा – सुप्रिया सुळे