७ हजार गुंतवणुकदारांना ४०० कोटींचा गंडा घालणाऱ्या टेम्पल रोझ कंपनीच्या संचालकांना अटक
पुणे : पोलीसनामा ऑनलाईन
पुणे, मुंबईसह राज्यातील तब्बल सात हजार गुंतवणूकदारांना भूखंडात गुंतवणूक करण्याच्या अमिषाने चारशे कोटींची फसवणूक केल्याचे गुन्हे दाखल करण्यात आले आहेत. या गुन्ह्यात एक वर्षापासून फरार असणाऱ्या टेम्पल रोझ कंपनीच्या संचालक मायलेकींना पुणे पोलिसांच्या आर्थिक गुन्हे शाखेकडून हैद्राबाद येथून अटक करण्यात आली आहे. कंपनीचे मुख्य संचालक देवीदास सजनानी आणि त्यांच्या साथिदारांनी राज्यातील सात हजार गुंतवणुकदारांची फसवणूक केली आहे.
[amazon_link asins=’B078124279′ template=’ProductCarousel’ store=’policenama-100′ marketplace=’IN’ link_id=’874bd0ce-c4a9-11e8-b2b0-51dcb747dd10′]
वनिता देवीदास सजनानी (वय ५८) आणि दीपा देवीदास सजनानी (वय ३४, दोघी रा. मुंबई) अशी अटक करण्यात आलेल्या मायलेकींची नावे आहेत. याप्रकरणी टेम्पल रोझचा मुख्य संचालक देवीदास सजनानी (वय ६७) याच्यासह सहाजणांना अटक करण्यात आली होती. त्यापैकी दोन आरोपींना न्यायालयाकडून जामीन मंजूर करण्यात आला आहे.
[amazon_link asins=’B0784D7NFX’ template=’ProductCarousel’ store=’policenama-100′ marketplace=’IN’ link_id=’04a88ede-c4aa-11e8-b26a-cd6b511a3761′]
या कंपनीकडून फसवणूक झाल्याचे उघडकीस आल्यानंतर पुणे पोलिसांच्या आर्थिक गुन्हे शाखेकडे अनेकांनी तक्रारी केल्या होत्या. तसेच मुबईत देखील सजनानी आणि त्याच्या सथिदारांविरुद्ध गुन्हे दाखल करण्यात आले होते.
पुणे पोलिसांनी या प्रकरणाचा तपास करून न्यायालयात महाराष्ट्र ठेवीदार संरक्षण अधिनियमाअंतर्गत (एमपीडीए) दोषारोपपत्र दाखल केले होते. प्रशासनाने टेम्पल रोझच्या स्थावर मालमत्तेवर टाच आणण्याची प्रक्रिया सुरू केली होती. याप्रकरणात मालमत्ता जप्त करण्यात आली होती. न्यायालयाला जिल्हाधिकाऱ्यांमार्फत जप्त मालमत्तेची माहिती देण्यात आली आहे. या खटल्याची न्यायालयात सुनावणी सुरू असून टेम्पल रोझच्या संचालक वनिता आणि दीपा या गेल्या वर्षभरापासून फरार होत्या. त्यांचा पुणे आणि मुंबई पोलिसांकडून शोध घेण्यात येत होता. दोघी हैद्राबाद येथे असल्याची माहिती मिळाल्यानंतर पुणे पोलिसांच्या आर्थिक गुन्हे शाखेने दोघींना ताब्यात घेतले.
[amazon_link asins=’B0784BZ5VY’ template=’ProductCarousel’ store=’policenama-100′ marketplace=’IN’ link_id=’1a01cca7-c4aa-11e8-87d2-c964be5ad873′]
वनिता सजनानी आणि तिची मुलगी दीपा पसार झाल्यानंतर म्हैसुर, गोवा, बंगळुरू, हैद्राबाद येथे नाव बदलून वास्तव्य करत होत्या. तपासधिकारी पोलीस निरीक्षक रौफ शेख यांना दोघी हैद्राबाद येथे असल्याची माहिती मिळाली. पोलीस आयुक्त के. वेंकटेशम, आर्थिक गुन्हे शाखेच्या पोलीस उपायुक्त ज्योतीप्रिया सिंह यांना याबाबतची माहिती मिळाल्यानंतर पोलिसांचे पथक गणेश विसर्जनचा बंदोबस्त असताना गेल्या रविवारी हैद्राबादला रवाना झाले. दोघींना ताब्यात घेतले. दोघींना पुणे पोलिसांकडे दाखल असलेल्या गुन्हयात जामीन मंजूर करण्यात आला आहे. सजनानी मायलेकींना तपासासाठी मुंबईत दाखल असलेल्या गुन्हयात ताब्यात देण्यात आले आहे. दोघी श्रीलंकेतून बँकाँकला पसार होण्याच्या तयारीत असल्याची माहिती चौकशीत उघड झाली आहे. दोघींनी बनावट नावाची ओळखपत्र तयार केल्याचे उघड झाले आहे.
जाहिरात