Video: न्यूझीलंडच्या खासदारानं ‘संस्कृत’मध्ये शपथ घेऊन सर्वांना केलं चकित, सांगितलं ‘हे’ खास कारण
नवी दिल्ली : वृत्तसंस्था – बुधवारी न्यूझीलंडच्या संसदेच्या सदस्यांनी शपथ घेतली तेव्हा भारतीय वंशाच्या डॉक्टरांनी संस्कृतमधून शपथ घेऊन सर्वांना चकित केले. हॅमिल्टन वेस्टचे खासदार डॉ. गौरव शर्मा, जे मूळचे हिमाचल प्रदेशच्या हमीरपूर जिल्ह्यातील रहिवासी आहेत, त्यांनी प्रथम आपल्या देशाच्या मूळ भाषेत आणि नंतर संस्कृत भाषेत शपथ घेतली. 33 वर्षीय लेबर पार्टीचे खासदार गौरव न्यूटन येथे एक जनरल प्रॅक्टिशनर म्हणून काम करतात आणि ते फ्रॅंकन येथे राहतात. गौरवने शपथविधीचे फुटेज आपल्या फेसबुकवर शेअर केले आणि ते सोशल मीडियावर व्हायरल झाले.
To be honest I did think of that, but then there was the question of doing it in Pahari (my first language) or Punjabi. Hard to keep everyone happy. Sanskrit made sense as it pays homage to all the Indian languages (including the many I can’t speak) https://t.co/q1A3eb27z3
— Dr Gaurav Sharma MP (@gmsharmanz) November 25, 2020
त्यांनी फेसबुकवर लिहिले की, ‘मी युनिटेकच्या माध्यमातून काही काळापूर्वी Te Reo आणि नंतर संस्कृत शिकलो. मी भारतात प्राथमिक व माध्यमिक शालेय विद्यार्थी होतो.’ डॉ. शर्मा यांनी लिहिले ‘संस्कृत ही 3500 वर्ष जुनी भाषा आहे, त्यातील बरीच भाषा सध्याच्या भारतीय भाषांमध्ये दिसून येते.’ तसेच ते म्हणाले की, मला सांगण्यात आले आहे की भारताबाहेर संस्कृतमध्ये शपथ घेणारे ते दुसरे व्यक्ती आहेत.
असे करणारे एकमेव अन्य व्यक्ती म्हणजे सुरिनामचे राष्ट्रपती चंद्रिका प्रसाद हे होते ज्यांनी या वर्षाच्या सुरुवातीस संस्कृतमध्ये शपथ घेतली होती. एनझेड हर्ल्डच्या अहवालानुसार ज्या 120 खासदारांनी 53 व्या संसदेसाठी शपथ घेतली, त्यामधून 77 खासदारांनी इंग्रजीतून शपथ घेतली आणि 44 जणांनी te reo ला निवडले.