वायुसेनेच्या नियमांनुसार अभिनंदन यांना आज ‘डीब्रिफिंग’ आणि ‘बग स्कॅनिंग’ चा सामना करावा लागणार आहे. यामध्ये सेना आणि गुप्तचर यंत्रणेचे अधिकारी त्यांची चौकशी करणार आहे. यानंतर त्यांचे मेडिकल चेकअप होईल.
वायुसेनेच्या अधिकाऱ्यांनी सांगितले की, अभिनंदन यांना भारतात वापसीनंतर काही परीक्षांचा सामना करावा लागणार आहे. हे खरतर चांगलं वाटत नाही मात्र, भारतीय वायुसेनेचे नियम आणि कायदे कडक आहेत. अशा प्रकारे दुसऱ्या देशात पकडल्यानंतर आपल्या देशात आल्यावर या टेस्टचा सामना करावाच लागतो. याला अन्य कुठलाही पर्याय नाही, असे अधिकाऱ्यांनी सांगितले.
यानंतर विंग कमांडर अभिनंदन यांना काही मेडिकल टेस्टचा सामना करावा लागेल, ज्यामध्ये पूर्ण बॉडी चेकअप देखील होईल.
यानंतर विंग कमांडर यांच्याशी इंटेलिजेंस ब्यूरो आणि रिसर्च अँड अनॅलिसिस विंग सुद्धा चौकशी करेल. या सर्व चौकशी पूर्ण झाल्यानंतर त्यानंतर ते पुन्हा सेवेत दाखल होतील. सेवेत दाखल होण्यापूर्वी त्यांना काही दिवस विश्रांतीसाठी सुट्टी घेता येणार आहे.