न्यूझीलंड मालिकेपूर्वी पाकिस्तानला बसला मोठा धक्का ! 6 खेळाडू ‘कोरोना’ पॉझिटिव्ह

नवी दिल्ली : वृत्तसंस्था – न्यूझीलंडविरुद्ध मालिका खेळण्यासाठी पाकिस्तानी क्रिकेटपटू तेथे पोहोचले आहेत. पाकिस्तानला न्यूझीलंडविरुद्ध 3 टी -20 आणि 2 कसोटी मालिका खेळायच्या आहेत. पाकिस्तान संघ 20 डिसेंबरपासून न्यूझीलंडमध्ये आपली मोहीम सुरू करणार आहे. पण या दौर्‍यावर आल्यानंतर संघाला एक वाईट बातमी मिळाली. कोरोना विषाणू चाचणीत पाकिस्तानमधील 6 खेळाडू पॉझिटिव्ह आढळले आहेत.

न्यूझीलंडला रवाना होण्यापूर्वी लाहोरमधील पाकिस्तान क्रिकेट संघाने सर्व खेळाडूंच्या चार चाचण्या घेतल्या आणि सर्वांचे अहवाल निगेटिव्ह आले होते. पण जेव्हा न्यूझीलंडमध्ये पोहोचल्यानंतर सर्व खेळाडूंची एकदा चाचणी केली गेली तेव्हा संघाचे सहा खेळाडू पॉझिटिव्ह आढळले. गुरुवारी (26 नोव्हेंबर) न्यूझीलंड क्रिकेटने याची माहिती दिली आहे. पण हे खेळाडू कोण आहेत, त्यांची नावे अद्याप समोर आली नाहीत.

पाकिस्तान संघ क्राइस्टचर्चमध्ये आहे आणि हे 6 खेळाडू आता क्वाॅरंटाइन केले जातील. न्यूझीलंड क्रिकेटने याबाबत निवेदन जारी केले आहे. निवेदनात म्हटले आहे की, ज्या सहा खेळाडूंची कोरोना टेस्ट पॉझिटिव्ह आहे, त्यापैकी 4 खेळाडूंना प्रथमच या विषाणूची लागण झाली आहे, तर दोन जणांना आधीच कोरोना झाला होता. किवी क्रिकेट बोर्डाचे असेही म्हणणे आहे की, येत्या 6 प्रकरणात पॉझिटिव्ह येण्याव्यतिरिक्त, पाकिस्तानी संघातील काही सदस्यांनी आयसोलेशनच्या पहिल्या दिवशी कोरोना प्रोटोकॉलच्या नियमांचे उल्लंघन केले.

You might also like