‘कोरोना’ला ‘निष्प्रभ’ करण्यासाठी वैज्ञानिकांनी बनवलं ‘प्रतिबंध’ घालणारं प्रोटीन, अँटीबॉडीच्या तुलनेत अधिक ‘प्रभावी’

नवी दिल्ली : वृत्तसंस्था – संशोधकांना कोरोनाला प्रतिबंध घालणारे प्रोटीन तयार करण्यात यश मिळाले आहे, जे अँजिओटेन्सीन एन्झाइम 2 आणि कोरोना विषाणूला रोखतात. एसीई -2 हे एक प्रकारचं प्रोटीन आहे जे विषाणूला पेशींमध्ये पोहोचण्यास मदत करतं, ज्यामुळे एखाद्या व्यक्तीस संसर्ग होतो. वॉशिंग्टन युनिव्हर्सिटीचे एक प्राध्यापक आणि संशोधनाच्या प्रमुख लेखकांनी सांगितलं की, ‘ही प्रथिने संसर्ग रोखू शकतात आणि अँटीबॉडीजपेक्षा अधिक प्रभावी आहेत.’

आतापर्यंतच्या अभ्यासानुसार कोरोना विषाणू कोणत्याही व्यक्तीच्या नाकातून प्रवेश करतो. कोरोनाच्या उपचारात मोनोक्लोनल अँटीबॉडीजचा वापर करणे ही एक काही आदर्श परिस्थिती नाही, कारण अँटीबॉडीज केवळ मोठेच नसून स्थिरही नसतात. संशोधनात असे म्हटले आहे की हे छोटे प्रोटीन अवरोधक कोरोनाव्हायरसच्या स्पाइक प्रोटीनला कडकपणे बांधतात आणि ईसीई2 रिसेप्टरला जोडण्यापासून प्रतिबंध करतात.

विशेष म्हणजे हे प्रोटीन अवरोधक नाकातून देखील दिले जाऊ शकतात. मागील अभ्यासातून असे दिसून आले आहे की इन्फ्लूएंझा प्रथिने घट्टपणे बांधण्यासाठी तयार केलेली लहान प्रथिने नाकातून दिली तर एखाद्या व्यक्तीस संसर्गापासून वाचवता येऊ शकतं. हे प्रोटीन 14 दिवस सामान्य तापमानावर ठेवता येतात. संशोधकांच्या म्हणण्यानुसार, हे अवरोधक कोरोनाव्हायरसच्या उपचारांचा एक प्राथमिक टप्पा आहे.