Anti Corruption Bureau Thane | 25000 हजाराची लाच घेताना महापालिकेचा सहायक आयुक्त अँन्टी करप्शनच्या जाळ्यात
file photoउल्हासनगर : पोलीसनामा ऑनलाइन – अवैध बांधकाम (Illegal Construction) सुरु ठेवण्यासाठी महापालिकेतील (Municipal Corporation) प्रभाग समिती क्रं.2 चे सहायक आयुक्त (Assistant Commissioner) अनिल खतुरानी (Anil Khaturani) याला 25 हजार रुपयाची लाच घेताना (Accepting Bribe) ठाणे लाचलुचपत प्रतिबंधक विभागाने (Anti Corruption Bureau Thane) रंगेहाथ पकडले. ठाणे लाचलुचपत प्रतिबंधक विभागाने (Anti Corruption Bureau Thane) ही कारवाई आज (सोमवार) प्रभाग कार्य़ालयात सापळा रचून केली. गेल्याच आठवड्यात महापालिकेचे प्रभारी वाहन व्यवस्थापकाला लाच घेताना अटक करण्यात आली होती.
महापालिका प्रभाग समिती क्रमांक 3 चे प्रभारी सहाय्यक आयुक्त अनिल खतूरानी यांनी प्रभाग क्षेत्रात अवैध बांधकामे सुरु ठेवण्यासाठी 50 हजाराची लाचेची मागणी करुन यापूर्वी 25 हजार रुपये स्विकारल्याचे मान्य केले. तसेच उर्वरित 25 हजार रुपये लाचेची मागणी केली. अखेर तक्रारदार यांनी 1 डिसेंबर रोजी ठाणे लाचलुचपत प्रतिबंधक विभागाकडे (Anti Corruption Bureau Thane) तक्रार केली. पथकाने 2 डिसेंबर रोजी पडताळणी केली.
पडताळणीमध्ये सहायक आयुक्त अनिल खतूरानी यांनी त्यांचे प्रभागामध्ये चालू असलेल्या इतर बांधकाम सुरु ठेवण्यासाठी तक्रारदार यांच्याकडे 50 हजार रुपये लाचेच्या रकमेची मागणी (Demanding Bribe) केली. यापूर्वी 25 हजार रुपये स्वीकारल्याचे मान्य केले. उर्वरित 25 हजार रुपये लाचेची मागणी केल्याचे निष्पन्न झाले.
ठाणे लाचलुचपत प्रतिबंधक विभागाने सोमवारी (दि.27) दुपारी अडीचच्या सुमारास प्रभाग समिती कार्यालयात सापळा रचला. सहायक आयुक्त अनिल खतूरानी याला तक्रारदार यांच्याकडून लाच घेताना रंगेहाथ पकडले. खतूरानी यांच्यावर लाचलुचपत प्रतिबंधक कायद्यांतर्गत गुन्हा दाखल करण्यात आला आहे.
Web Title :- Anti Corruption Bureau Thane | municipal corporation assistant commissioner anil khaturani arrested taking bribe
Join our WhatsApp Group, Telegram, facebook page and Twitter for every update