बनावट व्हिडिओ व्हायरल केल्याप्रकरणी दिग्विजय सिंग अडचणीत, FIR दाखल

पोलिसनामा ऑनलाईन – मध्यप्रदेशचे मुख्यमंत्री शिवराज सिंग चौहान यांचा कथित व्हिडीओ सोशल मीडियावर व्हायरल करण्यात येत होता. हा कथित व्हिडीओ काँग्रेसचे नेते दिग्विजय सिंग यांनी ट्विटरवरून शेअर केला होता. त्यानंतर 11 जणांनी तो व्हिडीओ रिट्विट केला. याप्रकरणी आता कारवाई सुरू करण्यात आली असून दिग्विजय सिंग यांच्या अडचणीत वाढ झाली आहे. त्यांच्योबतच 11 जणांवर एफआयआर दाखल करण्यात आला आहे.

कमलनाथ सरकारच्या मद्यविषयक धोरणांवर टीका करत शिवराज सिंग चौहान यांनी 2 मिनिटे 19 सेकंदांचा एक व्हिडीओ पोस्ट केला होता. त्यानंतर त्या व्हिडीओमध्ये काही बदल करून तो 9 सेकंदांचा व्हायरल करण्यात आला होता. तसाच तो व्हिडीओ चौहान यांचाच असल्याचा आरोपही करण्यात आला. दरम्यान, तो व्हिडीओ मोठ्या प्रमाणात सोशल मीडियावर व्हायरल झाला होता. हा व्हिडीओ मोठ्या प्रमाणात व्हायरल झाल्यानंतर शिवराज सिंग चौहान यांनी याप्रकरणी कारवाईचा इशारा दिला होता. जे लोक हा व्हिडीओ शेअर करतील त्यांच्यावर कारवाई करण्यात येणार असल्याचेही त्यांनी म्हटले होते. दिग्विजय सिंग यांनी हा व्हिडीओ ट्विटरवरून शेअर केला होता. रविवारी दुपारी दिग्विजय सिंग यांनी हा व्हिडीओ ट्विटर हँडलवरून शेअर केला होता. त्यानंतर त्यांचा हा व्हिडीओ 11 जणांनी रिट्विटही कला. प्रकरण वाढल्यांतर त्यांनी हा व्हिडीओ डिलीटही केला. परंतु आता भाजपाच्या तक्रारीनंतर भोपाळ गुन्हे शाखेने दिग्विजय सिंग यांच्यासोबतच व्हिडीओ रिट्विट करणार्‍यांवरही एफआयआर दाखल केला आहे.