शहरातील रौनकाबाद येथे राहणारे कापड व्यावसायिक शहेजाद शेख महेमुद (३८) हे बुधवारी दि. २८ रोजी दुपारच्या सुमारास फतेह मैदान येथून जात होते. त्यावेळी आरोपी मोहंमद जाफर रईस अहमद (३०) व त्याच्या इतर तीन साथीदारांनी कापड व्यावसायिक शहेजाद शेख यांना रस्त्यात अडवून त्यांच्याकडे दहा लाखांची खंडणी मागितली. पैसे न दिल्यास जीवे ठार मारण्याची धमकी दिली. याप्रकरणी शहेजाद शेख यांनी आझादनगर पोलिसात धाव घेतली. पोलिसांनी चौघाही संशयित आरोपीविरुद्ध खंडणीचा गुन्हा दाखल करण्यात आला.
आरोपींना बुधवारी मध्यरात्री एक वाजेच्या सुमारास अटक करण्यात आली. अधिक तपास सहाय्यक पोलीस उपनिरीक्षक आसीफ शेख करीत आहेत.
२७ नोव्हेंबर रोजी सायंकाळी ५ वाजेच्या सुमारास विस्तार अधिकारी भालेराव यांनी तशी सूचना ग्रामसेवक नवटंके यांना देऊन बुधवारी सकाळी ११ वाजेपर्यंत अभिलेखे जिल्हाधिकारी कार्यालयात जमा करण्याचे सांगितले. मात्र बुधवारी सकाळीच ही घटना समोर आल्याने वेगवेगळ्या चर्चा होत आहेत. ग्रामपंचायतमधील सेवक सकाळी कार्यालयात आल्यानंतर त्यांना ग्रामपंचायतीचे कुलूप तुटलेल्या अवस्थेत दिसले. आत जावून पाहणी केली असता कपाटाची दारे उघडे होती.
आतील दस्ताऐवज गायब असल्याचे लक्षात आल्यानंतर त्यांनी आजुबाजूला पाहणी केली. तेव्हा कार्यालयाच्या बाहेरील पिंपळाच्या झाडाखाली दस्ताऐवज जळालेल्या अवस्थेत त्यांना दिसले. ही माहिती ग्रामसेवक नवटंके यांना दिली. नवटंके यांनी कार्यालयात येऊन पाहणी केली असता कार्यालयातील संगणक संचही गायब झाल्याचे आढळून आले. या प्रकरणी अज्ञात व्यक्तीविरुद्ध गुन्हा दाखल करण्यात आला आहे.