Coronavirus : चिंताजनक ! पुण्यात आणखी 55 रूग्ण तर तिघांचा मृत्यू, ‘कोरोना’बाधितांची संख्या 1319 वर, आतापर्यंत 80 बळी

पुणे : पोलीसनामा ऑनलाइन – पुण्यात सोमवारी सकाळी आणखी नवीन ५५ कोरोना बाधित रूग्ण आढळून आले असून आता पुण्यातील कोरोना बाधितांची संख्या १३१९ झाली आहे. त्याचवेळी पुण्यातील आणखी तिघांचा मृत्यु झाला असून मृत्यु पावलेल्यांची संख्या ८० झाली आहे.

कोरोनाबाधित ३ रुग्णांचा मृत्यू !

पुणे शहरातील ३ कोरोनाबाधित रुग्णांचा ससूनमध्ये मृत्यू झाला असून यात २ महिला व १ पुरुषाचा समावेश आहे. घोरपडीतील ६४ आणि पर्वतीतील ४८ वर्षीय महिला तर कोंढव्यातील ३८ वर्षीय पुरुषाचा समावेश आहे. तिन्ही रुग्णांना मधुमेह आणि ह्रदयविकाराचे आजारही होते.

— Murlidhar Mohol (@mohol_murlidhar) April 27, 2020

पुणे जिल्ह्यात रविवारी दिवसभरात ८० जण कोरोना पॉझिटिव्ह आढळून आले होते. त्यामुळे जिल्ह्यातील कोरोना बाधितांची संख्या १२६४ पर्यंत पोहचली होती. सोमवारी सकाळी आलेल्या अहवालात तब्बल ५५ आणखी नवीन कोरोना बाधित असल्याचे आढळून आले. त्यामुळे सकाळी ९ वाजताच्या अहवालानुसार पुण्यातील कोरोना बाधितांची संख्या तब्बल १३१९ झाली आहे.

पुण्यात आणखी तिघांच मृत्यु झाला आहे. घोरपडी गावातील ६४ वर्षाची महिला १८ एप्रिल रोजी मधुमेह, उच्च रक्तदाब असल्याने रुग्णालयात दाखल झाली होती. तिला २३ एप्रिलला कोरोनाची लागण झाली असल्याचे आढळून आले. तिचा रविवारी रात्री मृत्यु झाला.

पर्वती येथील ४८ वर्षाची महिला १८ एप्रिलला ससून रुग्णालयात दाखल झाली होती. त्याच दिवशी ती कोरोना बाधित असल्याचे निष्पन्न झाले होते. तिला अनेक आजार होते. मध्यरात्री तिचा मृत्यु झाला.
कोंढवा येथील ४८ वर्षाचा पुरुष २५ एप्रिल रोजी रुग्णालयात दाखल झाला होता. त्याला मधुमेह, किडनीचा आजार होता. सोमवारी सकाळी १० वाजता त्याचा मृत्यु झाला. त्यामुळे शहरातील मृत्यु पावलेल्यांची संख्या ८० झाली आहे.