Coronavirus : केवळ दुसरी नव्हे तर कोरोना व्हायरसची तिसरी लाट देखील येणार, तज्ञांचा इशारा
नवी दिल्ली : वृत्तसंस्था – कोरोना विषाणू तज्ञांनी महामारीच्या तिसर्‍या लाटेचा इशारा दिला आहे. मात्र जगात हे ओळखण्यासाठी अद्याप स्पष्ट नियम नाहीत की, कोणत्या स्थितीत कोरोना प्रकरणांच्या वाढीस एक नवीन लहर म्हणता येईल. त्याच वेळी यूकेच्या एडिनबर्ग विद्यापीठातील संसर्गजन्य रोगांचे प्राध्यापक मार्क वूलहाऊस म्हणाले आहेत की, कोरोनाची तिसरी लाट पूर्णपणे शक्य आहे.
independent.co.uk च्या अहवालानुसार, ब्रिटिश कोरोना तज्ञ मार्क वूलहाउस म्हणतात की, लॉकडाउनमुळे कोरोना संपत नाही, तर समस्या थोडी वाढते. ब्रिटनमध्ये कोरोनाची प्रकरणे पुन्हा वाढू लागली आहेत आणि पुन्हा देशात राष्ट्रीय लॉकडाउनचा धोका निर्माण झाला आहे.
वूलहाऊस म्हणतात की, जवळपास होणारी आपत्ती टाळण्यासाठी कठोर पावले उचलली पाहिजेत, जेणेकरून या क्षणी संसर्ग कमी होईल, पण यामुळे विषाणू जाणार नाही. एका वृत्तसंस्थेनुसार, ते म्हणाले की, मागील मूल्यांकनात देखील सप्टेंबरमध्ये पुन्हा लॉकडाउनची आवश्यकता असल्याचे म्हटले होते.
जेव्हा प्रोफेसर मार्क वूलहाऊस यांना विचारले गेले की, कोरोनाची तिसरी लाटही येईल का? तेव्हा ते म्हणाले की, हे पूर्णपणे शक्य आहे. ते म्हणाले की, जर लस पुढील ६ किंवा १२ महिन्यांत येणार नसेल, तर आपल्याला पर्यायी मार्ग शोधण्याची गरज आहे, जसे कि मोठ्या लोकसंख्येसाठी चाचणी करण्याची व्यवस्था.
ते म्हणाले की, अलिकडच्या काळात विद्यापीठात कोरोना विषाणूची बरीच प्रकरणे अंदाजानुसारच आहेत. ब्रिटनमध्ये ४ लाख ३४ हजार लोकांना कोरोना विषाणूची लागण झाली आहे, तर ४१ हजाराहून अधिक लोकांचा मृत्यू झाला आहे.