काय सांगता ! होय, वेळेवर पाणी मिळत नव्हतं, ‘लॉकडाऊन’मध्ये पती-पत्नीनं खोदली ‘विहीर’
वाशिम : पोलिसनामा ऑनलाइन – लॉकडाऊन दरम्यान महाराष्ट्रातील एक जोडपे गजानन पकमोड आणि त्यांची पत्नी पुष्पा यांनी २१ दिवसांच्या लॉकडाउनमध्ये २५ फूट खोल विहीर खोदली आहे. वाशिम जिल्ह्यातील करखेडा गावात राहणारे गजानन म्हणाले की, खोदाई सुरू झाल्यानंतर २१ व्या दिवशी आम्हाला जमिनीखालून पाणी सापडले आणि आमचा आनंद गगनात मावेनासा झाला.
राजमिस्त्री यांना खोदण्याचा अनुभव होता आणि त्यांच्या पत्नीने मदत केली. तसेच दोन्ही मुलांनी त्यांना प्रोत्साहन दिले. ते म्हणाले की, लॉकडाऊन दरम्यान जेव्हा जिल्हा प्रशासनाने आम्हाला घरात राहण्यास सांगितले तेव्हा आम्ही काहीतरी करण्याचा निर्णय घेतला. मी माझ्या बायकोला घरासमोर पूजा करण्यास सांगितले आणि मग कामाला सुरुवात केली.
त्यांनी खोदाई कामात कोणतेही तांत्रिक उपकरण वापरले नाही आणि केवळ हत्यारं वापरली. गजानन म्हणाले की, आमच्या शेजार्‍यांनी आमची टीका केली, पण आम्ही आमचे काम चालू ठेवले आणि २१ व्या दिवशी आम्हाला २५ फुटावर पाणी मिळाले.
त्यांनी सांगितले कि स्थानिक जलसेवा जास्तकरून बंद राहते, त्यामुळे आम्ही एक विहीर खोदण्याचा विचार केला कारण बसून नळ पाहण्यापेक्षा चांगला पर्याय म्हणजे विहीर खोदणे. ते म्हणाले कि आम्ही जे केले त्याबद्दल आम्हाला आनंद झाला आहे, कारण आता आमची पाण्याची समस्या कायमची सुटली आहे.