ताज्या बातम्याराष्ट्रीय

Karachi Terror Attack : पाकिस्तान स्टॉक एक्सचेंजवर मोठा आतंकवादी हल्ला, 4 दहशतवाद्यांसह 9 जणांचा मृत्यू (व्हिडीओ)

file photo
ADV

नवी दिल्ली : वृत्तसंस्था – कराची येथे असलेल्या पाकिस्तान स्टॉक एक्सचेंजवर दहशतवादी हल्ला झाला. एका वृत्तसंस्थेनुसार, सोमवारी चार दहशतवादी पाकिस्तान स्टॉक एक्सचेंजच्या इमारतीत घुसले आणि त्यांनी अंदाधुंद गोळीबार केला. सध्या चारही दहशतवादी ठार झाले आहेत. दहशतवाद्यांच्या गोळीबारात पाच नागरिकांचाही मृत्यू झाल्याची माहिती मिळत आहे.

पाकिस्तानी माध्यमांच्या म्हणण्यानुसार, हे चारही दहशतवादी ठार झाले आहेत. कराचीचे महानिरीक्षक म्हणाले की, परिस्थिती नियंत्रणात आहे आणि सर्व दहशतवादी ठार झाले आहेत. रेंजर्स आणि पोलिस कर्मचारी इमारतीत घुसले असून शोध मोहीम सुरू आहे.

कराचीचे आयजी सांगतात की, हल्लेखोरांनी पोलिस अधिकाऱ्यांचे कपडे घातले होते, जे ते ऑफ ड्यूटीवर घालतात. अतिरेक्यांनी अत्याधुनिक शस्त्रास्त्रांनी हल्ला केला आणि एक बॅग घेऊन जात होते, ज्यात स्फोटके असू शकतात.

कसा झाला दहशतवादी हल्ला
दहशतवाद्यांनी स्टॉक एक्सचेंज इमारतीच्या मुख्य गेटवर ग्रेनेड हल्ला केला आणि अंदाधुंद गोळीबार करत इमारतीत घुसले. या गोळीबारात एक पोलिस अधिकारी आणि एक सुरक्षा रक्षक जखमी झाल्याची माहिती मिळत आहे. पोलिस आणि रेंजर्सचे जवान घटनास्थळी दाखल झाले आहेत.

पाकिस्तान स्टॉक एक्सचेंजच्या आसपासचा परिसर रिकामा केला गेला आहे. जखमींना जवळच्या रुग्णालयात उपचारासाठी दाखल करण्यात आले आहे. तर स्टॉक एक्स्चेंजमध्ये अडकलेल्या कर्मचार्‍यांना मागील दारातून बाहेर काढले गेले आहे.

एका वृत्तसंस्थेनुसार, पाकिस्तान स्टॉक एक्सचेंजचे संचालक अबिद अली हबीब म्हणाले की स्टॉक एक्सचेंजमध्ये एक दुर्दैवी घटना घडली आहे. दहशतवादी पार्किंग परिसरातून घुसले होते आणि सर्व लोकांवर गोळीबार करत होते. हल्लेखोरांनी रेल्वे ग्राउंड पार्किंग परिसरात घुसून स्टॉक एक्सचेंजच्या मैदानाबाहेर गोळीबार केला होता.