Mumbai Police | ‘आम्ही ड्युटीवर आहोत’, म्हणत मुंबई पोलिसांची विशेष कामगिरी; तुफान पावसात जखमी बाप-लेकिला सुरक्षित स्थळी हलवलं (व्हिडिओ)

On Jul 19, 2021

File photo

मुंबई : पोलीसनामा ऑनलाइन (Policenama Online) – मुंबईसह परिसरात गेल्या दोन दिवसांपासून मुसळधार पाऊस (Heavy rainfall in mumbai) पडत आहे. रविवारी दुपारी थोडीशी उघडीप दिल्यानंतर सायंकाळी पुन्हा पावसाने बरसण्यास सुरुवात केली होती. अनेक सखल भागात पावसाचे पाणी साचल्याच्या घटना घडल्या. मात्र, अशा परिस्थितीतही मुंबई पोलीस (Mumbai Police) आपले कर्तव्य बजावत असल्याचे समोर आले आहे. मुंबई पोलिसांचा (Mumbai Police) कर्तव्य बजावतानाचा एक व्हिडिओ सोशल (Viral video) मीडियावर प्रचंड व्हायरल होत आहे.

मुंबई पोलिसांच्या ट्विटर हँडलवर एक व्हीडिओ शेअर करण्यात आला असून त्याखाली एक हॅशटॅग देण्यात आला आहे. #आम्ही ड्युटीवर आहोत असा हा हॅशटॅग आहे. या व्हिडिओमध्ये रात्रीच्या वेळी मुसळधार पावसात रस्त्यावरून जखमी वडिल आणि मुलगी जात होते. गुडघ्याभर साचलेल्या पावसातून मुंबई पोलिसांनी बाप-लेकीला बाहेर पडण्यास मदत केल्याचे या व्हिडीओत दिसत आहे.

कांदिवलीमधील (Kandivali) हा व्हिडीओ असल्याची माहिती मिळत आहे. मात्र नेमका परिसर कोणता ? आणि काय घडलं आहे ? याबाबत माहिती मिळालेली नाही. पण भर पावसात मुंबईकरांच्या सेवेसाठी मुंबई पोलीस कार्यरत असल्याच या व्हिडीओतून अधोरेखित होत आहे. दरम्यान, मुंबई, ठाणे, पालघर (Palghar) आणि रत्नागिरी (Ratnagiri) या जिल्ह्यांना अतिमुसळधार पावसाचा इशारा हवामान विभागाने (IMD) दिला आहे. नागरिकांनी खबरदारी घेण्याचे आवाहन प्रशासनाच्यावतीने करण्यात आले आहे.