पुणे : पोलीसनामा ऑनलाइन – एकत्र दारू पीत बसले असताना झालेल्या वादातून एका तरुणाला मारहाण करुन त्याचा खुन केल्याचा प्रकार उघडकीस आला आहे. चिखली गावातील शिवशंकर सोसायटी कॉलनीत १३ जून रोजी रात्री साडेदहा वाजता खून झाला होता. चिखली पोलिसांनी दोघांविरुद्ध गुन्हा दखल केला आहे.
चेतन वाघमारे व आकाश इचके अशी गुन्हा दाखल केलेल्यांची नावे आहेत. तर, राजू नामदेव राठोड (वय ३५, रा. राजा छत्रपती कॉलनी, मोरे वस्ती, चिखली) असे खुन झालेल्या तरुणाचे नाव आहे.
याप्रकरणी पोलीस उपनिरीक्षक महेंद्र कारभारी आहेर यांनी फिर्याद दिली आहे. चिखली पोलिसांना १३ जून रोजी रात्री साडेदहा वाजता शिवशंकर सोसायटी कॉलनी नंबर १ चे टॉवर लाईन चौकात एक तरुण जखमी अवस्थेत आढळून आला होता. त्याला रुग्णालयात नेले असता डॉक्टरांनी त्याचा मृत्यु झाल्याचे जाहीर केले होते.
या घटनेचा तपास करीत असताना चेतन वाघमारे, आकाश इचके, राजू राठोड हे तिघे जण दारु पीत बसले होते. त्यावेळी दारूच्या नशेत असताना त्यांच्यात वाद झाला. तेव्हा या दोघांनी राजूला ढकलून देऊन खाली पाडले. त्याला हाताने व लाथाबुक्क्यांनी त्याच्या छातीत, हातावर व इतरत्र शरीराच्या महत्वाच्या अवयवास मारहाण केली. या मारहाणीमुळे अंतर्गत रक्तस्त्राव होऊन राठोड याचा मृत्यु झाला. अशी माहिती समोर आली.
कमी वयात हार्ट अ‍ॅटॅक येण्याचे प्रमाण का वाढतेय ?
लहान मुलांना पॅरासिटामॉल देताना घ्या ‘ही’ काळजी
मासिक पाळीदरम्यान या कारणांमुळे स्रियांचा मूड बदलतो
डोळ्यांच्या इन्फेक्शनपासून असा करा बचाव