Neck Pain | मानेच्या उजव्या बाजूला होणार्या वेदना असू शकतात धोकादायक, गंभीर आजाराचे लक्षण
पोलीसनामा ऑनलाइन टीम – Neck Pain | मान हा शरीराचा एक अत्यावश्यक भाग आहे ज्यामध्ये मणक्याची हाडे, स्नायू आणि अनेक प्रकारच्या पेशींचा समावेश होतो. शरीराच्या इतर महत्त्वाच्या भागांप्रमाणे, मान झाकली जात नाही, ज्यामुळे दुखापत होण्याची शक्यता असते. मानेवर ताण येण्याची समस्या देखील सामान्य आहे आणि यामुळे वेदनांना सामोरे जावे लागते. (Neck Pain)
साधारणपणे, मानदुखीपासून आराम मिळवण्यासाठी लोक औषधे किंवा घरगुती उपायांचा अवलंब करतात. कधीकधी ही किरकोळ मानदुखी काही धोकादायक आजाराचे लक्षण देखील असू शकते. मानेतील हे दुखणे कोणत्या रोगांचे लक्षण असू शकते आणि तुम्ही डॉक्टरांना कधी भेटावे ते जाणून घेवूयात…
मानदुखी का होते (Why does neck pain happen)?
काहीवेळा सकाळी उठल्यानंतर मानेमध्ये वेदना किंवा कडकपणा जाणवतो. रात्री झोपताना उंच उशीवर डोके ठेवणे, कडक गादीवर झोपणे किंवा वाकडी मान ठेवून झोपणे अशी अनेक कारणे यामागे असू शकतात.
या व्यतिरिक्त जेव्हा तुम्ही कॉम्प्युटर किंवा लॅपटॉपवर तासनतास एकाच स्थितीत काम करता, तेव्हा माने आखडू शकते.
नॉन स्पेसिफिक नेक पेन (Non-specific neck pain)
कधी-कधी मानदुखीचे नेमके कारण कळत नाही. जेव्हा कोणत्याही कारणाशिवाय मानेमध्ये वेदना होतात, तेव्हा याचा अर्थ असा होतो की तुमच्या स्नायूची एखादी पेशी तुटली आहे. मानेच्या वेदनेचा हा प्रकार अगदी सामान्य आहे. (Neck Pain)
टॉर्टिकॉलिस (Torticollis) –
ही मानेच्या स्नायूंशी संबंधित अशी समस्या आहे, ज्यामुळे डोके एका बाजूला झुकते. स्नायूंमध्ये कोणत्याही प्रकारचे नुकसान झाल्यामुळे किंवा रक्त परिसंचरण प्रभावित झाल्यामुळे या समस्येचा सामना करावा लागतो. टॉर्टिकॉलिस ही समस्या तुम्हाला कधीही होऊ शकते.
टॉर्टिकॉलिसमुळे, झोपेत असताना माणसाची मान ठीक असते, परंतु जेव्हा तो उठतो तेव्हा त्याला मान हलवता येत नाही. अनेक प्रकरणांमध्ये, ही वेदना काही दिवसात स्वतःहून बरी होते.
परंतु काही प्रकरणांमध्ये, टॉर्टिकॉलिस हे गंभीर आजाराचे लक्षण असू शकते. टॉर्टिकॉलिसमुळे ट्यूमर, इन्फेक्शन इत्यादी समस्या उद्भवू शकतात.
ब्रॅकियल प्लेक्सस (brachial plexus) –
ब्रॅकियल प्लेक्सस हे नर्व्हसचे एक नेटवर्क आहे जे पाठीच्या कण्यापासून खांदे, हात आणि हातांना सिग्नल पाठवते. मानेच्या दुखापतीमुळे, त्याचा परिणाम ब्रॅकियल प्लेक्ससवर पडतो, तेव्हा हातांमध्ये वेदना होतात. ब्रॅकियल प्लेक्ससला दुखापत होण्याचे सर्वात सामान्य कारण म्हणजे कार अपघात किंवा खेळताना होणार दुखापत होय.
मानेच्या उजव्या बाजूच्या वेदनेची इतर काही कारणे (Some other causes of pain on the right side of the neck)
– रूमेटाइड अर्थरायटिस
– कर्करोग
– गंभीर इजा
– नर्व्हस आणि स्पायनल कॉर्डला दुखापत
– इन्फेक्शन
– बोन डिसऑर्डर
मानेच्या वेदनेचे उपचार (Neck pain treatment)
जर तुमच्या मानेचे दुखणे किरकोळ असेल तर तुम्ही काही घरगुती उपायांनी ते बरे करू शकता. तुम्ही वेदना कमी करणारी औषधे घेऊ शकता. हॉट पॅड वापरू शकता.
नेक मसाज, स्ट्रेचिंग, थंड पॅड किंवा बर्फ देखील वेदना कमी करण्यास मदत करू शकतो.
याशिवाय झोपताना, बसताना आणि चालताना शरीराची मुद्रा बरोबर ठेवा. मान मजबूत करण्यासाठी व्यायाम करा.
डॉक्टरांना कधी भेटायचे (When to meet a doctor)-
जर तुमच्या मानेत कमी दुखत असेल तर यासाठी डॉक्टरांना दाखवण्याची गरज नाही. वेदनाशामक औषधांनीही मानदुखी कमी करता येते.
मानेशी संबंधित काही व्यायाम देखील वेदना कमी करू शकतात.
पण जर तुमचे दुखणे खूप जास्त असेल आणि तुम्हाला त्यासोबत इतर काही लक्षणे दिसत असतील तर लगेच डॉक्टरांशी संपर्क साधा.
(Disclaimer : वरील लेखामध्ये सांगितलेले विधी, पध्दती आणि दाव्यांचं आम्ही कुठलंही समर्थन करत नाही.
त्यांना केवळ सल्ला म्हणून घ्यावं. अशा पध्दतीच्या कोणत्याही उपचार / औषध / आहारावर अंमल करण्यापुर्वी डॉक्टरांचा सल्ला घेणे आवश्यक आहे.)
Web Title :- Neck Pain | neck pain can be a sign of something serious know causes symptoms
Join our WhatsApp Group, Telegram, facebook page and Twitter for every update
Blood Sugar कंट्रोल करण्यासाठी रोज ‘या’ 3 गोष्टींचे करू शकता सेवन; जाणून घ्या