ताज्या बातम्याराष्ट्रीय

Coronavirus : ‘आता मी सर्वांमध्ये पसरवणार कोरोना व्हायरस’, लोकांमध्ये प्रचंड ‘दशहत’ (व्हिडीओ)

नवी दिल्ली : वृत्तसंस्था – पाकिस्तानमध्ये गेल्या काही तासांपासून सोशल मीडियाच्या टाइमलाइनवर एक व्हिडिओ मोठ्या प्रमाणात व्हायरल होत आहे. त्यात स्वतःला कोरोना ग्रस्त असल्याचे वर्णन करणारा एक तरुण कोरोना व्हायरसचा प्रसार करण्याविषयी बोलत आहे. हा व्हिडिओ समोर आल्यानंतर लोक प्रचंड घाबरले आहेत.

एका वृत्तसंस्थेने दिलेल्या माहितीनुसार, 25 सेकंदाच्या या व्हिडिओ क्लिपमध्ये दिसलेल्या या युवकाने सांगितले की, त्याला कोरोना व्हायरसची लागण झाली आहे आणि आता तो हा व्हायरस सर्वत्र पसरणार आहे. सरकारला आव्हान देताना तो म्हणाला की, ‘बघणे थांबवा.’

सोशल मीडियावर हा व्हिडीओ शेअर केलेल्या बर्‍याच युजर्सने या व्हिडिओबद्दल आपली चिंता व्यक्त केली आणि सरकारकडे या तरूणावर कठोर कारवाई करण्याची मागणी केली आहे. त्यावर फॉक्सट्राट फिनिक्स हँडलच्या बाजूला लिहिले होते, ‘तो रुग्ण असो किंवा नसो, प्रत्येकाला शिक्षा भोगण्याचा हक्क आहे.’ तथापि, कोरोना व्हायरसचा प्रसार करण्याच्या आव्हानाचा पहिला व्हिडिओच्या काही तासांनंतर, त्याच युवकाचा आणखी एक व्हिडिओ पहायला मिळाला, ज्यामध्ये त्याला त्याच्या पूर्वीच्या दाव्यासारखेच काहीतरी बोलताना पाहिले गेले.

सोशल मीडियावरील युजर्सने हा दुसरा देखील व्हिडिओ शेअर केला आहे. यात हा तरुण म्हणतो, ‘आम्ही बनवलेला हा व्हिडिओ आमच्या सर्व मित्रांनी बनवला आहे. व्हायरल होण्याचा माझा हेतू नव्हता. या व्हिडिओ मध्ये पाहिले जाऊ शकते की, तो तरुण समोर काहीतरी लिहित आहे. काही सेकंदांच्या या व्हिडिओमध्ये तो पुढे म्हणतो, ‘मी पाकिस्तान आणि आपणा सर्वांची दिलगिरी व्यक्त करतो. मी सरकारबरोबर असून सरकारच्या नियमांनुसार माझे जीवन जगत करत आहे.’

काही सोशल मीडिया युजर्सने असा दावा केला आहे की, हा तरुण पेशावरचा होता. अटकेनंतर त्याला कोरोना व्हायरस असल्याचे आढळले नाही आणि दुसरा व्हिडिओ अटकेनंतरचा आहे. स्वत: ला पोलिस अधिकारी म्हणून वर्णन करणाऱ्या जॅकब अहमत नावाच्या युजर्सने आपल्या ट्विटमध्ये असे लिहिले आहे की, ज्याने हा व्हिडिओ बनवला आहे त्या युवकाला एफआयएने अटक केली आहे.

त्याने माफी मागितलेला व्हिडिओ समोर येऊन देखील सोशल मीडियावर युजर्सचा राग कमी झाला नाही. जास्मीन नावाच्या ट्विटर हँडलने लिहिले आहे की, ‘बेकायदेशीर वागणूक आणि भीती पसरवल्यामुळे त्याने तुरूंगात जावे.’ जावेद अजीज खान नावाच्या युजर्सने आपल्या ट्विटमध्ये लिहिले की, ‘ही विनोद करण्याची वेळ नाही. असे वागू नका.’