नवी दिल्ली : वृत्तसंस्था – भारताचा माजी खेळाडू गौतम गंभीर आणि दिल्लीतील आपच्या उमेदवार आतिशी मार्लेना यांनी आक्षेपार्ह मजकूर असलेली पत्रकं वाट्ल्याचा आरोप केला आहे. त्यावरून दिल्लीचे राजकीय वातावरण चांगलेच तापले आहे. भारतीय क्रिकेट संघाचे माजी खेळाडू हरभजन सिंह व व्ही. व्ही. एस. लक्ष्मण गौतम गंभीरच्या बचावासाठी मैदानात उतरले आहेत .
हरभजन सिंहने ट्विटमध्ये म्हंटल आहे की , ‘मी काल गौतम गंभीरशी संबंधित एक प्रकरण ऐकलं. ते ऐकून मला धक्काच बसला. मी त्याला खूप चांगलं ओळखतो. तो कधीही महिलांविरोधात चुकीचं बोलणार नाही. तो निवडणुकीत जिंको अथवा पराभूत होवो, माणूस म्हणून तो खूप चांगला आहे.’
I am shocked to note yesterday’s events involving @GautamGambhir. I know him well and he can never talk ill for any woman. Whether he wins or loses is another matter but the man is above all this
— Harbhajan Turbanator (@harbhajan_singh) May 10, 2019
तर व्ही. व्ही. एस. लक्ष्मण यांनी ट्विटमध्ये म्हंटल आहे की , ‘मी गौतम गंभीरच्या प्रामाणिकपणाबद्दल मी खात्री देऊ शकतो. मी गौतमला दोन दशकांपासून ओळखतो. त्याच्या मनात महिलांबद्दल आदर आहे.’
Shocked to hear about yesterday's developments. Having known @GautamGambhir for nearly 2 decades, I can vouch for his integrity, character and the respect he has for women.
— VVS Laxman (@VVSLaxman281) May 10, 2019
काय आहे प्रकरण –
गौतम गंभीर निवडणूक जिंकण्यासाठी पत्रकं वाटत असल्याचा गंभीर आरोप आतिशी मार्लेना यांनी केला आहे. संबंधित पत्रकांमध्ये आप नेत्या आतिशी आणि दिल्लीचे उपमुख्यमंत्री मनीष सिसोदिया यांच्या आईविरोधात अश्लील आणि अपमानास्पद भाषेचा वापर करण्यात आला आहे.
गौतम गंभीर यांनी आरोपांना उत्तर देताना आतिशी यांचे आरोप फेटाळले आहेत. तसेच जर आतिशी यांनी त्यांचे आरोप सिद्ध केले, तर मी माझी निवडणूक उमेदवारी मागे घेईन, असे म्हणत आतिशी यांच्यासह अरविंद केजरीवाल आणि मनिष सिसोदिया यांच्याविरोधात अब्रुनुकसानीचा दावा दाखल केला.