Rohit Pawar On Ajit Pawar | ”वयस्कर काका, आजोबांना बाहेर काढणे आपली संस्कृती नाही, युगेंद्र याच विचाराने…”, रोहित पवारांचा अजितदादांना टोला
पुणे : पोलीसनामा ऑनलाईन – Rohit Pawar On Ajit Pawar| काल अजित पवार यांचे सख्खे पुतणे युगेंद्र पवार (Yugendra Pawar) यांनी बारामतीमधील राष्ट्रवादी काँग्रेस शरद पवार गटाच्या (NCP Sharad Pawar Group) कार्यालयाला दिलेली भेट चर्चेत आहे. युगेंद्र यांनी यापुढे साहेब सांगतील तसेच होणार, असेही म्हटले आहे. यामुळे काकांची साथ सोडून युगेंद्र हे आजोबा शरद पवार यांच्यासोबत मैदानात उतरले असल्याचे स्पष्ट झाले आहे. यावर आज आमदार रोहित पवार (Rohit Pawar On Ajit Pawar) यांनी मार्मिक प्रतिक्रिया दिली आहे.
रोहित पवार म्हणाले, युगेंद्र बारामतीच्या ऑफिसला गेला होता. आजोबांना त्याने पाठिंबा दिला ही चांगली गोष्ट. आपली संस्कृती हीच आहे की वडिलधाऱ्यांबरोबर राहणे आपली जबाबदारी आहे. लहानपणापासूनच हे शिकवले जाते.
वडील आणि आजोबांना वयस्कर झाल्यावर बाहेर काढायचे हे आपल्या संस्कृतीत नाही. युगेंद्रचे विचारही तसेच आहेत, हे पाहिल्यानंतर या नातवालासुद्धा आवडलंच आहे. संस्कृती जपणे आपली जबाबदारी आहे. स्वतःच्या हितासाठी काकांना, नेत्यांना सोडून जात आहेत ही आपली संस्कृती नाही, असा टोला रोहित पवार यांनी नाव न घेता अजित पवार यांना लगावला.
रोहित पवार म्हणाले, कुटुंब म्हणून अजितदादांना आम्ही खूप पूर्वीपासून ओळखतो.
शरद पवारांनी अजित पवारांना मोठी ताकद दिली. अनेक मोठ- मोठी पदे अजित दादांना मिळाली. व्यक्तिगत जीवनातही त्यांची झालेली प्रगती पाहिली. परंतु, प्रगती झाल्यानंतर साहेबांना सोडून जाणे, साहेबांनी बांधलेल्या घरातून साहेबांना बाहेर काढणे हा निर्णय त्यांनी घेतला तो कुटुंबाला नाही आवडला.
रोहित पवार म्हणाले, अजित पवारांचा निर्णय जर कुटुंबालाच नसेल आवडला तर सामान्य लोकांना कसा आवडेल?
परंतु, अजितदादांची जागा कोणी घेत नाही. मी तर लांबचा पुतण्या आहे. युगेंद्र तरी सख्खा पुतण्या आहे.
युगेंद्रने साहेबांची भूमिका घेतली. पवारांची भूमिका युगेंद्रने सोडली नाही, त्यामुळे कुटुंब अजित पवारांना एकटं पाडत नाही तर,
कुटुंबाला एकटं पाडून ते सत्तेत गेले आहेत.
Join our WhatsApp Group, Telegram, facebook page and Twitter for every update
हे देखील वाचा
‘आम्ही येथील भाई आहोत’, पार्क केलेल्या वाहनांची तोडफोड, नऱ्हे परिसरातील प्रकार
‘हा एरिया माझा आहे’, घर शोधणाऱ्या महिलेला मारहाण, वाघोली परिसरातील प्रकार
Pune Shivajinagar Crime | कॉलेज तरुणीला मारहाण करुन भररस्त्यात विनयभंग, शिवाजीनगर येथील प्रकार