SBI ची ‘ही’ स्कीम 834 रुपयांच्या बचतीत मॅच्युरिटीवर देईल साडेसहा लाखाची रक्कम, जाणून घ्या कशी
file photoनवी दिल्ली : वृत्तसंस्था – SBI | एकरकमी रक्कम जमा करून तुम्हाला अधिक लाभ देणार्‍या योजनेच्या शोधात असाल तर स्टेट बँक ऑफ इंडियाच्या मुदत ठेव योजनेची माहिती येथे घेणार आहोत. जी तुम्हाला फक्त पाच वर्षांच्या मॅच्युरिटीवर चांगले पैसे देईल. यासोबतच तुम्हाला प्राप्तीकराचाही लाभ मिळेल. यामध्ये केलेल्या 1.5 लाख रुपयांपर्यंतच्या गुंतवणुकीवर प्राप्तीकर कलम 80 सी अंतर्गत कर कपातीचा दावा करता येतो. (SBI)
SBI च्या FD योजनेत, किमान रु. 1,000 ने खाते उघडता येते, तर कमाल गुंतवणुकीवर मर्यादा नाही. जर तुम्ही या योजनेअंतर्गत दररोज 834 रुपये वाचवले आणि पाच वर्षांत एकूण 5 लाख रुपये गुंतवले तर तुम्हाला 6.53 लाख रुपये मिळतील. SBI च्या FD योजनेअंतर्गत 5 वर्षांच्या मुदत ठेवींवर वार्षिक 5.40 टक्के व्याज दिले जात आहे. व्याज त्रैमासिक आधारावर निश्चित केले जाते.
–
5 वर्षांच्या गुंतवणुकीवर किती नफा
जर तुम्ही 5 वर्षांसाठी गुंतवणूक करत असाल तर एसबीआय योजनेअंतर्गत तुम्हाला वार्षिक 5.4% व्याज दिले जाते. दुसरीकडे, जर तुम्ही दररोज 834 रुपये गुंतवले, तर वार्षिक सुमारे 1 लाख रुपयांची गुंतवणूक आहे, म्हणजे पाच वर्षांत 5 लाख गुंतवले जातात. आता व्याजदरानुसार मॅच्युरिटीवर तुम्हाला 6,53,800 रुपये मिळतील. यामध्ये तुम्हाला व्याजातून 1,53,800 रुपये उत्पन्न मिळेल.
टॅक्स सेव्हिंग एफडी
बँक एफडीमध्ये गुंतवणूक करणे सुरक्षित मानले जाते. यामध्ये कर सवलत देण्यात आली आहे,
ज्यामुळे गुंतवणूकदार या योजनेअंतर्गत गुंतवणूक करण्याचा विचार करतात.
ही एफडी 10 वर्षांसाठी वाढवली जाऊ शकते. यातून मिळणारे व्याज करपात्र आहे.
यामध्ये एका आर्थिक वर्षात जास्तीत जास्त 1.5 लाख रुपयांपर्यंतच्या गुंतवणुकीवर कर वाचवता येतो.
ज्येष्ठ नागरिकांना किती व्याज मिळते
या योजनेंतर्गत ज्येष्ठ नागरिकांना 6.20 टक्के वार्षिक व्याजदर दिला जातो.
अशा स्थितीत, जर तुम्ही 5 लाख रुपये जमा केले, तर मॅच्युरिटीवर तुम्हाला 6,80,093 रुपये मिळतील.
ज्यामध्ये व्याजाचे पैसे 1,80,093 रुपये असतील.
Web Title :- SBI | this scheme of sbi will give an amount of six and a half lakhs on maturity in savings of rs 834 know how
Join our WhatsApp Group, Telegram, facebook page and Twitter for every update