नवी दिल्ली : वृत्तसंस्था – सोमवारी आठवड्याच्या पहिल्याच दिवशी जोरदार घसरणीसह शेअर बाजाराची सुरुवात झाली आणि व्यापारातही मोठी घसरण दिसून आली. बॉम्बे स्टॉक एक्सचेंज चा सेन्सेटिव्ह इंडेक्स सेन्सेक्स आज 1000.24 अंकांनी घसरून 33,103.24 वर बंद झाला. त्याचबरोबर नॅशनल स्टॉक एक्सचेंजचा निर्देशांक निफ्टी आज सोमवारी 367.40 अंकांच्या मोठ्या घसरणीसह 9,587.80 वर उघडला.
सोमवारी दुपारी 3 वाजून 15 मिनिटांनी सेन्सेक्स 8.20 टक्क्यांनी किंवा 2795.63 अंकांच्या घसरणीसह 31,307.85 वर ट्रेंड करत होता आणि निफ्टी 7.76 किंवा 772.25 अंकांच्या घसरणीसह 9,182.95 वर ट्रेंड करत होता.
आठवड्याच्या पहिल्या दिवशी बीएसई निर्देशांक सेन्सेक्स सकाळी 9 वाजून 24 मिनिटांनी 5.42 टक्क्यांनी किंवा 1849.97 अंकांच्या घसरणीसह 32,288.85 वर होता. आणि निफ्टी 5.12 टक्क्यांनी किंवा 509.30 अंकांच्या घसरणीसह 9,445.90 अंकांवर बंद झाला. यावेळी निफ्टी-50 मधील फक्त 1 कंपनीचे शेअर्स ग्रीन मार्कवर तर रेड मार्कवर 49 कंपन्यांचे शेअर्स व्यापार करताना दिसले. यस बँकेच्या शेअरमध्ये सोमवारी सकाळी 58 टक्क्यांची जबरदस्त उडी दिसून आली.
शेअर मार्केटवर दिसत आहे कोरोनाचा उद्रेक
वेगाने वाढणार्‍या कोरोना विषाणूमुळे चीनबाहेरील शेअर बाजारामध्ये मोठी मंदी आहे. परदेशी उड्डाणे बंद केल्यामुळे स्पाइसजेट आणि इंडिगोच्या शेअर्समध्ये सोमवारी सकाळी सुमारे दहा टक्क्यांपर्यंत घसरण पहायला मिळाली. बर्‍याच राज्यात 31 मार्चपर्यंत थिएटर बंद राहिल्यामुळे या क्षेत्राशी संबंधित कंपन्यांच्या शेअर्समध्येही मोठी घसरण नोंदली गेली. तसेच पीव्हीआरच्या शेअर्सला देखील मोठे नुकसान झाले आहे.
निफ्टी बँकेत मोठी घसरण दिसून आली
सोमवारी निफ्टी बँकेच्या सुरुवातीच्या व्यापारात जोरदार घसरण दिसून आली आहे. सुरुवातीच्या व्यापारात आयसीआयसीआय बँक 9.09 टक्के, अ‍ॅक्सिस बँक 7.75 टक्के, इंडसइंड बँक 9.59 टक्के, भारतीय स्टेट बँक ऑफ इंडिया 6.65 टक्के, एचडीएफसी बँक 5.83 टक्के, पीएनबी 5.61 टक्के, बँक ऑफ बडोदा 5.20 टक्के आणि आरबीएल बँक 5.30 टक्के घसरण दिसून आली. त्याच वेळी यस बँकेत 35.42 टक्क्यांनी वाढ झाली.
भारतीय रुपया
भारतीय रुपया आज सोमवारी घसरणीसह उघडला. तो एका डॉलरच्या तुलनेत 15 पैशांच्या घसरणीसह 74.06 वर उघडला. महत्त्वाचे म्हणजे गेल्या आठवड्यात शुक्रवारी रुपया 73.91 वर बंद झाला होता.