Coronavirus Impact : 5 क्षेत्रातील 9.3 कोटी शहरी कामगारांवर झालाय ‘कोरोना’च्या साथीचा ‘परिणाम’
नवी दिल्ली : वृत्तसंस्था – पाच क्षेत्रांतील सुमारे 9.3 कोटी शहरी कामगारांवर कोरोना साथीच्या आजाराचा तीव्र परिणाम झाला आहे. कोविड -19 साथीच्या आजारामुळे आणि देशव्यापी लॉकडाऊनमुळे उत्पादन, बांधकाम, व्यापार, पर्यटन आणि आतिथ्य क्षेत्रांना मोठा फटका बसला आहे. मंत्र्यांच्या गटाचे अध्यक्ष असलेले कामगार मंत्री थावरचंद गेहलोत यांनी ही माहिती दिली.
गेल्या आठवड्यात पंतप्रधान कार्यालयाला कामगारांचा एक डेटाबेस, आपल्या गावी परत आलेल्या प्रत्येक स्थलांतरित कामगारांची जॉब कार्ड आणि ग्रामीण रोजगार हमी योजनेंतर्गत खासगी फॅक्टरी किंवा बांधकाम ठिकाणी काम करण्याची परवानगी यासह काही सूचना सुचविण्यात आल्या. मनरेगा वेतन घटकाच्या वर नियोक्त्यांना पगार देण्यासारख्या सूचना दिल्या होत्या. एका वृत्तपत्राने या अहवालाचा आढावा घेतला आहे. गेहलोत यांनी मात्र या अहवालावर भाष्य करण्यास नकार दिला आणि ते म्हणाले की हा अहवाल अद्याप जाहीर करण्यात आलेला नाही.
कामगारांना शहरात परत आणण्यासाठी त्यांच्यात आत्मविश्वास जागृत करावा लागेल
स्थलांतरित कामगारांना पुन्हा शहरात आणण्यासाठी मंत्र्यांच्या गटाने म्हटले की त्यांच्या परतीचा आत्मविश्वास वाढवण्यासाठी अनेक उपाय केले पाहिजेत. हे उपाय त्यांच्या मुलांना शिष्यवृत्ती, अंगणवाड्यांमध्ये प्रवेश, प्रशिक्षण आणि कौशल्य या स्वरूपात असू शकतात. सर्व स्थलांतरित कामगारांचा आयुष्यमान भारत किंवा राष्ट्रीय आरोग्य विमा योजनेत समावेश केला पाहिजे.
मंत्री गटाने असेही म्हटले आहे की संघटित क्षेत्रातील कामगारांना त्यांच्या नोकर्‍या गमावण्याचा धोका आहे. सेंटर फॉर मॉनिटरींग ऑफ इंडियन इकॉनॉमीने (सीएमआयई) जाहीर केलेल्या अहवालात असे म्हटले आहे की आठवड्याच्या अखेरीस 11.4 कोटी लोकांनी रोजगार गमावले आहेत आणि बेरोजगारी 27.1% च्या विक्रमी उच्च स्तरावर आहे.
देशाला आर्थिक संकटाचा सामना करावा लागत आहे
देशाला आता आर्थिक संकटाचा सामना करावा लागत आहे. नोकरीसोबतच रोजीरोटीचे प्रश्न देखील भेडसावत आहेत. अहवालाची पहिली प्रमुख शिफारस म्हणजे लवकरात लवकर आर्थिक कामे सुरू करणे. हे सुनिश्चित करण्यासाठी सरकारने टप्प्याटप्प्याने अधिक आर्थिक उपक्रम पुन्हा सुरू करण्यास परवानगी दिली आहे. या आठवड्यात, मर्यादित उड्डाणे आणि काही नियमित रेल्वे सेवा पुन्हा सुरू करण्याची घोषणा केली.
कोणताही अ‍ॅप मदत करणार नाही
जवाहरलाल नेहरू विद्यापीठातील अर्थशास्त्राचे प्राध्यापक विश्वजित धर यांच्या म्हणण्यानुसार एखादे अ‍ॅप मदत करेल असा त्यांचा विश्वास नाही. स्थलांतरितांना त्वरित मदतीची आवश्यकता असते आणि म्हणूनच ग्रामीण भागातील अर्थव्यवस्थेला चालना देण्यासाठी आणि स्थानिक पातळीवर रोजगार शोधण्यात मदत करण्यासाठी सरकारने याकडे संधी म्हणून पाहिले पाहिजे. जेव्हा त्यांच्यातील बहुतेक जण ऑनलाइन नसतील तर अ‍ॅप्स कसे मदत करतील?