निर्णय : ‘नंदीग्राममध्ये ममता बॅनर्जी यांच्यावर हल्ल्याचा कोणताही पुरावा नाही’, निवडणूक आयोगानं सांगितलं
file photoनवी दिल्ली : वृत्तसंस्था – पश्चिम बंगालच्या मुख्यमंत्री ममता बॅनर्जी यांच्यावरील झालेल्या हल्ल्याबाबत निरीक्षक आणि मुख्य सचिवांनी सादर केलेल्या अहवालावर निवडणूक आयोगाने रविवारी बैठक घेतली. यानंतर ममता बॅनर्जी यांच्यावर हल्ला झाल्याची शक्यता निवडणूक आयोगाने फेटाळून लावली आहे. निवडणूक आयोगाने सांगितले की, नंदीग्राममध्ये ममता बॅनर्जी यांच्यावर हल्ला झाल्याचा कोणताही पुरावा नाही. त्यामुळे तो एक अपघात होता.
मुख्यमंत्री ममता बॅनर्जी यांना झालेली दुखापत ही दुर्घटना आहे, असे निवडणूक आयोगाने म्हटले आहे. निरीक्षक आणि मुख्य सचिव अलापन बंडोपाध्याय यांच्या अहवालात निवडणूक आयोगाच्या वतीने हल्ल्याचा उल्लेख केलेला नाही. दुखापतीचे कारण दिले गेले नाही. हा हल्ला नव्हे तर अपघात आहे, असे आयोगाने म्हटले आहे.
यावर ममता म्हणाल्या, आम्ही निर्भयपणे लढू :
निवडणूक आयोगाच्या निर्णयानंतर मुख्यमंत्री ममता बॅनर्जी यांनी ट्विट केलं आहे, यात त्या म्हणतात की, आम्ही निर्भयपणे लढा सुरूच ठेवू. बंगालच्या जनतेचे दु: ख माझ्या वेदनांपेक्षा अधिक आहे.
ममता यांनी ट्वीट केले की, आम्ही निर्भयपणे लढा सुरूच ठेवू. मला अजूनही खूप वेदना होत आहे, परंतु त्याहूनही जास्त मला माझ्या लोकांचे वेदना जाणवतात. माझे राज्य आम्ही लढाईत खूप त्रास सहन करावा लागला आहे आणि आम्ही यापुढे कोणताही त्रास सहन करण्यास तयार आहोत, परंतु आम्ही आपली जमीन वाचवण्यासाठी लढा सुरूच ठेवणार आहोत. कोणा पुढेही झुकणार नाही.
ममता बॅनर्जी जखमी झाल्यावर आज पुन्हा जखमी अवस्थेत निवडणूक प्रचारासाठी आल्या होत्या. व्हीलचेयरवर बसून त्या रोड शो करत होत्या.
तृणमूल काँग्रेसने तिसर्‍या वेळी निवडणूक जाहीरनामा जाहीर करण्याचा कार्यक्रम केला तहकूब :
दुसरीकडे तृणमूल काँग्रेसने रविवारी तिसर्‍यांदा पश्चिम बंगाल विधानसभा निवडणुकीचा जाहीरनामा देण्याचा कार्यक्रम तहकूब केला आहे. परंतु, कार्यक्रम पुढे ढकलण्याचे कोणतेही कारण देण्यात आले नाही.
ममता बॅनर्जी रविवारी संध्याकाळी आपल्या कालिघाट निवासस्थानी पक्षाचा जाहीरनामा जाहीर करणार होते. याबाबत तृणमूलचे ज्येष्ठ नेते म्हणाले, जाहीरनामा काढण्याचा कार्यक्रम काही काळासाठी तहकूब करण्यात आला आहे. लवकरच तो रिलीज होईल. ’
पश्चिम बंगालमध्ये सध्या निवडणूकीचे वातावरण आहे. यातच केंद्रात सत्तेत असलेली भाजप आता पश्चिम बंगालमध्येही राजकारण खेळत आहे. याला सडेतोड उत्तर ममता बँनर्जी देत आहेत.