आता फाटलेल्या नोटा विनामूल्य बदलून घ्या, तुम्हाला सर्व पैसे मिळतील परत, फक्त बँकेत जाऊन करा ‘हे’ काम !

नवी दिल्ली : वृत्तसंस्था – आपल्याकडे जुन्या किंवा फाटलेल्या नोटा आहेत, कोणत्याही दुकानदाराने घेतलेल्या नाहीत ? जर असे काही असेल तर आपल्याला अजिबात चिंता करण्याची आवश्यकता नाही कारण आता आपण या नोटा सहजपणे बदलू शकता. फाटलेल्या आणि जुन्या नोटा संदर्भात भारतीय रिझर्व्ह बँकेने एक मार्गदर्शक सूचना देखील जारी केली आहे, त्यानुसार ग्राहक बँकेत जाऊन अशा नोटा बदलू शकतात. जुन्या नोटा कशा बदलवायच्या ते जाणून घ्या.

बँकेत जा आणि नोटा बदला
रिझर्व्ह बँक ऑफ इंडियाच्या (RBI) नियमांनुसार प्रत्येक बँकेने जुन्या, फाटलेल्या किंवा दुमडलेल्या नोटा स्वीकारल्या पाहिजेत. म्हणूनच, आपण सहजपणे जवळच्या बँक शाखेत जाऊन नोट बदलू शकता. यासाठी कोणतेही शुल्क आकारले जात नाही. तसेच, त्या बँकेचा ग्राहक असणे देखील आवश्यक नाही.

नोटा बदलणे बँकेवर अवलंबून आहे की ती बदलेल की नाही. यासाठी कोणताही ग्राहक बँकेला सक्ती करु शकत नाही. नोटा घेताना ती नोट हेतुपुरस्सर फाटली आहे का ते तपासले जाते. याशिवाय नोटची स्थिती कशी आहे. तरच बँक त्यात बदल करते. जर ती नोट बनावट नसेल आणि त्याची स्थिती थोडी चांगली असेल तर बँक सहजतेने बदलून देते.

कोणत्या नोटांची देवाणघेवाण होऊ शकत नाही ?
काही प्रकरणांमध्ये नोटा बदलता येत नाहीत. रिझर्व्ह बॅंकेच्या नियमांनुसार वाईटरित्या जळालेल्या, तुकडे झाल्यास नोटांची देवाणघेवाण होऊ शकत नाही. अशा नोटा फक्त आरबीआयच्या जारी केलेल्या कार्यालयात जमा करता येतील.

बिल किंवा कर भरला जाऊ शकतो
अशा नोटांसह आपण आपली बिले किंवा कर बँकांमध्ये भरू शकता. याशिवाय अशा नोटा बँकेत जमा करुन तुम्ही तुमच्या खात्यातील रक्कम वाढवू शकता.

या नोटा वापरू नका
ज्या नोटावर संदेश लिहिण्यात आला आहे किंवा काही प्रकारचे राजकीय संदेश लिहिलेले आहेत त्या नोटा वापरता येणार नाहीत.

You might also like