पुणे (लोणी काळभोर) : पोलीसनामा – ग्रामीण भागात आरोग्याची सेवा तळागाळापर्यंत पोहोचवणाऱ्या आशा सेविकांना आपल्या मागण्या शासनापर्यंत पोहोचवण्यासाठी आज चक्क जेलभरो आंदोलन करावे लागले.
शासनाच्या सेवेतील अतिशय महत्वाचा घटक असलेल्या आरोग्य विभागातील विविध योजना सर्वसामान्य माणसापर्यंत पोहोचवण्यासाठी आरोग्य खात्यातील कर्मचारी काम करत असले तरीही राज्याच्या गावागावात चोवीस तास काम करणाऱ्या आशा सेविका आजपर्यंत तुटपुंज्या मानधनावरच आहेत.
सध्या महाराष्ट्रात राष्ट्रीय आरोग्य मोहिमेअंतर्गत 69 हजार आशा सेविका तसेच 3500 गटप्रवर्तक कार्यरत आहेत. यासाठी कामावर आधारित मानधन म्हणून आशा सेविकांना रु. 2500 तर गटप्रवर्तकांना रु. 8725 इतका मोबदला मिळतो. यामध्ये वाढ करुन किमान अंगणवाडी सेविकांप्रमाणे कायम मानधन मिळावे व शासकीय सेविकांचा दर्जा मिळावा यासाठी आजपर्यंत अनेक आंदोलने केली. परंतु आजपर्यंत काहीच प्रगती झाली नाही. त्यामुळे या आशा सेविकांनी दि. 4 सप्टेंबर पासून कामबंद आंदोलन केले तरीही शासन काहीच निर्णय घेतला जात नसल्याने आज सोमवारी जिल्हाधिकारी कार्यालय पुणे येथे जिल्ह्यातील सर्व आशा सेविका व गटप्रवर्तकांनी मोर्चा काढून जेलभरो आंदोलन केले.
यामध्ये आशा व गटप्रवर्तक कृती समितीचे निमंत्रक एम. ए. पाटील, सलीम पटेल, भगवान देशमुख, श्रीमंत घोडके, शंकर पुजारी, शुभांगी दत्तात्रय जगताप, रेखा कुंजीर यांसह हजारो सेविका हजर होत्या.
- डाळिंब आठवड्यातून एकदा तरी अवश्य खावे, आरोग्य आणि सौंदर्यासाठी उपयुक्त
- हातांवर ‘हे’ ४ संकेत दिसतात का? असतील तर व्हा सावध, दुर्लक्ष करू नका
- नवजात बाळाच्या आईसाठी फायदेशीर आहेत ‘हे’ पदार्थ, जाणून घ्या
- स्तनाच्या कॅन्सरपासून दूर ठेवतील ‘हे’ ६ ‘सुपरफूड’, आहारात अवश्य करा समावेश
- महिलांनी रोज खावेत हरभरे आणि गूळ! होतील ‘हे’ खास फायदे, जाणून घ्या
- या’ पाच मिनिटांच्या उपायाने ३० दिवसांत कमी होईल वजन, जाणून घ्या
- लहान मुलांना ‘पॅरासिटामॉल’ देताय ? मग ‘ही’ काळजी अवश्य घ्या !
- कोणती भाजी उकडून खाल्ल्याने होतात कोणते आरोग्य फायदे, जाणून घ्या