नवी दिल्ली : वृत्तसंस्था – इंडियन प्रीमियर लीग (IPL) ला जगातील सर्वाधिक लोकप्रिय लीग देखील म्हटले जाते, कारण त्यातील प्रत्येक सामना उत्साही असतो. आयपीएलच्या 13 व्या सीजनमधील आतापर्यंतच्या 10 सामन्यांमध्ये हे सर्व पाहिले गेले आहे. आयपीएल 2020 हा कोरोना विषाणूच्या साथीच्या दरम्यान संयुक्त अरब अमीरात म्हणजेच युएईमध्ये होत आहे. स्टेडियममध्ये प्रेक्षकांच्या येण्यावर प्रतिबंध आहे. असे असूनही आयपीएलमध्ये बरेच मनोरंजन होत आहे. अश्या परिस्थितीत जाणून घेऊया आयपीएल 2020 मध्ये आतापर्यंत झालेल्या 10 सामन्यातील काही फॅक्ट….
1. सुपर ओव्हर
आयपीएलचे आतापर्यंतचे बारा सीजन खेळले गेले आहेत, परंतु असे पहिल्यांदा झाले, जेव्हा आयपीएलच्या पहिल्या 10 सामन्यांपैकी दोन सामन्यांचा निकाल सुपर ओव्हरच्या माध्यमातून काढला गेला. आयपीएलच्या या सीजनमध्ये दिल्ली कॅपिटल आणि किंग्ज इलेव्हन पंजाबनंतर रॉयल चॅलेंजर्स बंगळुरू आणि मुंबई इंडियन्स यांच्यात सुपर ओव्हर खेळला गेला आहे.
2. रेकॉर्ड रन चेज
आयपीएलच्या 12 वर्षांच्या इतिहासात जे घडले नाही ते आयपीएलच्या 13 व्या सीजनच्या सुरुवातीस झाले. कोणत्याही संघाने आयपीएलमध्ये 220 पेक्षा जास्त लक्ष्यांचा पाठलाग केला नव्हता, परंतु आयपीएलच्या 13 व्या सत्रातील 9 व्या सामन्यात हा विक्रम मोडला गेला, जेव्हा राजस्थान रॉयल्सने पंजाबविरुद्ध 224 धावा केल्या.
3. दोन भारतीयांचे शतक
इंडियन प्रीमियर लीगची जोरदार सुरुवात झाली. आयपीएलमध्ये भारतीय खेळाडूंची वाढ होत आहे. म्हणूनच आतापर्यंत दोन भारतीय खेळाडूंनी शतके ठोकली आहेत, त्यातील एक केएल राहुल, तर दुसरे मयांक अग्रवाल. दोन्ही खेळाडू किंग्ज इलेव्हन पंजाबकडून खेळत आहेत.
4. 99 रन वर आउट
आयपीएल 2020 मध्ये आतापर्यंत खेळल्या गेलेल्या 10 सामन्यात दोन शतके झाली आहेत, त्याचप्रमाणे 99 धावांच्या वैयक्तिक धावसंख्येवर खेळाडू बाद झाला आहे. हा खेळाडू इतर कोणीही नसून मुंबई इंडियन्सचा यष्टिरक्षक फलंदाज ईशान किशन आहे. बंगळुरूविरुद्ध ईशान किशन 99 धावांच्या वैयक्तिक धावसंख्यावर बाद झाला.
5. कोणताही एक संघ दिसत नाही मजबूत
इंडियन प्रीमियर लीगच्या इतिहासात कदाचित ही पहिलीच वेळ असेल जेव्हा 10 सामने खेळले गेले असले तरी कोणताही संघ असा वाटला नाही, जो इतर संघाला डॉमिनेट करत असेल. दिल्ली कॅपिटल आणि राजस्थान रॉयल्स यांनी आपले पहिले दोन सामने जिंकले आहेत, परंतु दोन्ही संघांनी जवळच्या सामन्यात विजय मिळविला आहे.
6. क्वालिफायरसाठी शर्यतही मनोरंजक
आयपीएल 2020 च्या क्वालीफायर्समध्ये अजून एक महिन्याहून अधिक कालावधी बाकी आहे, परंतु आतापर्यंत झालेल्या सामन्यानंतर कोणताही संघ टॉप 4 वर पोहोचू शकेल असे वाटत नाही. सनरायझर्स हैदराबाद खाली जरी असला तरी, परंतु संघ बाउंस बॅक करू शकेल. अशा परिस्थितीत क्वालीफायर्स रेस मनोरंजक असेल.
7. शेवटच्या 4 षटकांत तुफान फलंदाजी.
आयपीएल 2020 मध्ये आतापर्यंत 10 सामने खेळले गेले आहेत. या 10 सामन्यांत 20 डाव खेळले गेले आहेत, परंतु अर्ध्याहून अधिक डावांमध्ये टीम शेवटच्या 4 ओव्हरमध्ये सहज 70-8 धावा काढत असल्याचे दिसून आले आहे. अगदी एका ओव्हरमध्ये 25 ते 30 धावा. दोन वेळा एका- एका षटकात 30-30 धावा केल्या.
8. भारतीय यष्टिरक्षकांचा जलवा
भारतीय संघाचा माजी कर्णधार महेंद्रसिंग धोनी आंतरराष्ट्रीय क्रिकेटमधून निवृत्त झाला आहे. अशा परिस्थितीत त्याचा उत्तराधिकारी म्हणून ऋषभ पंत, संजू सॅमसन आणि ईशान किशन यांच्यासह केएल राहुलसुद्धा जोरदार फटकेबाजी करत आहेत. या चारही खेळाडूंना जितकी संधी मिळाली त्या संधीचे त्यांनी सोने करण्याचा प्रयत्न केला आणि त्यांना यश आले.
9. ऑलराऊंडरचा जलवा :
इंडियन प्रीमियर लीगच्या 13 व्या सीजनमध्ये भारतीय ऑलराउंडर्स खेळाडूंनी वर्चस्व राखले. मग शिवम दुबे, वॉशिंग्टन सुंदर, राहुल तेवतिया, क्रुणाल पंड्या, अक्षर पटेल, किरण पोलार्ड किंवा ग्लेन मॅक्सवेल असो. हे सर्व खेळाडू आपापल्या संघांसाठी उत्कृष्ट कामगिरी करत आहेत.
10. फील्डिंग प्रयत्न
आयपीएलच्या या सीजनमध्ये उत्तम फील्डिंग करण्याचा प्रयत्न झाला आहे. विकेटच्या मागे असो वा बाऊंड्री लाइनवर झेल, षटकार थांबवून चौकार थांबवणे. प्रत्येक खेळाडू आपला 100 टक्के देण्याचा प्रयत्न करीत आहे. हीच गोष्ट टीव्ही आणि स्मार्टफोनवरील सामना पाहणाऱ्यांनादेखील आवडली आहे.