चंद्रकांत पाटील यांनी घेतली जखमी वारकऱ्यांची भेट, मृतांच्या वारसांना 5 लाखाची मदत

पुणे : पोलीसनामा ऑनलाइन – सासवड येथील दिवे घाटात जेसीबी वारकऱ्यांच्या दिंडीत घुसून झालेल्या अपघातात दोघांचा मृत्यू झाला तर 19 जण जखमी झाले आहेत. जखमी वारकऱ्यांवर हडपसर येथील नोबेल हॉस्पिटलमध्ये उपचार सुरु आहे. भाजपचे प्रदेशाध्यक्ष चंद्रकांत पाटील यांनी आज (मंगळवार) दुपारी तीनच्या सुमारास नोबेल हॉस्पिटलमध्ये जाऊन जखमी वारकऱ्यांची भेट घेतली. यावेळी त्यांनी भाजपच्या वतीने अपघातात मृत्यू झालेल्यांमध्ये नामदेव महाराजांचे 17 वंशज यांचा समावेश आहे. मृत झालेल्या दोघांच्या वारसांना चंद्रकांत पाटील यांनी 5 लाखांची मदत जाहीर केली.

Chandrakant Patil

अतुल आळशी (वय-24) आणि सोपान तुलसीदास नामदास (वय-36) असे मृत्यू झालेल्या दोघांची नावे आहेत. सोपान नामदास आणि अतुल आळशी यांच्या वारसांना भाजपच्या वतीने प्रत्येकी 5 लाख रुपयांची मदत चंद्रकांत पाटील यांनी जाहीर केली. तर जखमी वाकऱ्यांच्या उपचाराचा खर्च भाजप करणार असल्याचे त्यांनी यावेळी सांगितले.

Chandrakant Patil

संतश्रेष्ठ ज्ञानेश्वर माऊलींच्या 724 वा संजीवन समाधी सोहळा कार्तिक वद्य त्रयोदशीला असून, या सोहळ्यासाठी पंढरपूरहून आळंदीकडे निघालेल्या पालखी सोहळ्यातील वारकऱ्यांवर आळंदी पंढरपूर पालखीमार्गावर आज सकाळी नऊच्या सुमारास जेसीबी घुसला. यामध्ये दोघांचा मृत्यू झाला तर 19 जण जखमी झाले आहेत तर दोन वारकऱ्यांची प्रकृती चिंताजन असल्याचे समजतेय.

जखमी वारकरी विष्णू सोपान हळवाल (वय-35), शुभम नंदकिशोर अवारे (वय-23), दिपक अशोक लासुरे (वय-91), गजानन संतोष मानकर (वय-20), वैभव लक्ष्मण बराटे (वय-30), अक्षय अमृत मोकामपल्ले (वय-19), किर्तामान प्रकाश गिरजे (वय -23), आकाश माणिकराव भाटे (वय-30), ज्ञानेश्वर निवृत्तीनाथ कदम (वय-40), गरोबा जागडे (वय-35), विनोद लहासे (वय-30), नामदेव पूंजा सागर (वय-34), महासाळकर (वय-258), गजानन मानकर (वय-20), सोपान निमनाथ मासाळकर (वय-25)

Visit : Policenama.com 

पोलीसनामा न्युज आता टेलीग्रामवर... आमचं चॅनेल (@policenamanews) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
WhatsAPP
You might also like