Diabetes and Weight Loss : वजन कमी करण्यासह मधुमेहाच्या रूग्णांसाठी मतदगार ठरतं तांदळाचं पाणी ?, जाणून घ्या

नवी दिल्लीः वृत्तसंस्था – जर आपण निरोगी राहण्याचा प्रयत्न करीत असाल तर डॉक्टर, पोषणतज्ज्ञ किंवा तज्ञांशी सतत संपर्क साधण्याव्यतिरिक्त त्यांच्या सल्ल्यांचे पालन करणे देखील तितकेच महत्वाचे आहे. लठ्ठपणा आणि मधुमेह यांसारख्या आरोग्याच्या स्थितीसाठी औषध भलेहा आवश्यक भाग आहे, परंतु आपल्या आहार आणि जीवनशैलीकडे लक्ष देणे तितकेच महत्वाचे आहे. या व्यतिरिक्त काही घरगुती उपचार देखील आहेत, जे बर्‍याच लोकांच्या निरोगी जीवनासाठी कार्य करतात. त्यामुळे फक्त औषधांवर अवलंबून राहू नका.

असाच एक घरगुती उपाय म्हणजे तांदळाचे पाणी. बरेच लोक याचा वापर चांगल्या त्वचा आणि निरोगी शरीरासाठी करतात. तांदूळ आपल्याला वजन कमी करण्यास कशी मदत करतात हे आम्ही सांगणार आहोत.

शरीराला ऊर्जा देते
तांदळाच्या पाण्याचा वापर बहुतांश भारतीय घरांमध्ये महत्त्वपूर्ण बनला आहे कारण उर्जा वाढविण्यासाठी हे अत्यंत महत्वाचे मानले जाते. तांदळाचे पाणी तुमची उर्जा पातळी राखण्यास मदत करू शकते, विशेषत: जेव्हा तुम्ही व्यायामशाळेतून घरी येत असाल किंवा आजकाल शारीरिक अंतर राखण्यासाठी घरी कसरत करत असाल तेव्हा त्याआधी आपण प्री-वर्कआउट पेय म्हणून तांदळाचे पाणी पिऊ शकता.

हायड्रेशन
तांदळाचे पाणी तुम्हाला हायड्रेटेड ठेवते, जे तुम्हाला वजन कमी करण्यास मदत करते. वजन कमी करताना हायड्रेटेड राहणे, पाणी नसल्यास पौष्टिक पेय पिणे महत्वाचे आहे. हायड्रेशन आपल्या शरीराच्या सर्व यंत्रणा व्यवस्थित ठेवण्यात महत्वाची भूमिका बजावते, ज्यामुळे आपल्याला वजन कमी करण्यास मदत होते.

पचनशक्ती वाढवते
वजन कमी करण्यासाठी पचन एक महत्वाचा घटक आहे. जेव्हा तुम्हाला अ‍ॅसिडिटी होते तेव्हा अशा परिस्थितीत तांदळाचे पाणी पचनशक्ती वाढविण्यास मदत करते.

मधुमेहाचे रुग्ण भाताचे पाणी पिऊ शकतात का?
नाही, कारण तांदळाच्या पाण्यामध्ये भरपूर स्टार्च असतात. याचा अर्थ कार्ब्स आणि साखरेचा थेट सेवन, जे मधुमेहाच्या रूग्णांसाठी योग्य ठरणार नाही. पांढरे तांदूळदेखील मधुमेहाच्या रुग्णांना काही प्रमाणात हानिकारक ठरते.