पोलीसनामा ऑनलाईन टीम : हिवाळा जवळ येत आहे. काही लोक तर आतापासूनच रात्री ब्लँकेट घेऊन झोपू लागले आहेत. या हंगामाच्या सुरूवातीस बर्‍याच लोकांचा घसा खवखवतो, ज्यामुळे खूप त्रास होतो. अशा परिस्थितीत आल्याचा चहा कोणत्याही अमृतापेक्षा कमी नाही. आल्याच्या चहामुळे घशाच्या खवखवीपासून खूप आराम मिळतो. परंतु याशिवाय आल्याचे इतरही अनेक फायदे आहे, ज्याकारणास्तव त्याला गुणांची खाण म्हणायला हरकत नाही. जाणून घेऊया आल्याचे गुणधर्म आणि त्याचे फायदे…
अँटी- इंफ्लेमेटरी आणि अँटी-बॅक्टेरियल गुणधर्म:
सर्दी झाल्यास आले खाल्याने मोठ्या प्रमाणात आराम मिळतो. कारण आल्यामध्ये अँटी-इंफ्लेमेटरी आणि अँटी-बॅक्टेरियाचे गुणधर्म असतात. यामुळे शरीरात येणारी सूजही हळू – हळू जाते.
उपाशी पोटी आल्याचे पाणी पिण्याचे फायदे:
जर तुमच्या पचनात गडबड होत असेल तर आले अर्धा ग्लास पाण्यात रात्री भिजवून ठेवा आणि सकाळी उपाशी पोटी हे पाणी प्या. हे केवळ आपले पचन सुधारत नाही तर दिवसभर फ्रेश अनुभव येईल.
लठ्ठपणा कमी होईल:
जर आपण निरोगी जीवनशैली फॉलो करत असाल तर दररोज उपाशी पोटी आल्याचं पाणी पिल्याने तुमचे वजनही कमी होईल. याबरोबरच रक्तातील साखर आणि मधुमेह यासारख्या आजारांमध्येही आले फायदेशीर ठरते.