कोलकत्यामधील NSG ऑफीसचं उद्घाटन HM अमित शहांनी केलं, म्हणाले – ‘भारतावर हल्ला केल्यास घरातुन घुसून मारू’
Amit Shahनवी दिल्ली : वृत्तसंस्था – पश्चिम बंगालची राजधानी कोलकाता येथे गृहमंत्री अमित शहा यांनी राष्ट्रीय सुरक्षा रक्षकाच्या नव्या कार्यालयाचे उद्घाटन केले. या वेळी गृहमंत्री म्हणाले, ‘आम्हाला जगात शांतता हवी आहे. हल्लेखोर स्वत:चा मृत्यू ठरवतात. जर भारतावर हल्ला झाला तर भारतही घरात घुसून मारणार. या दरम्यान त्यांनी सर्जिकल स्ट्राईककडे लक्ष वेधले आणि म्हणाले, ‘अमेरिका-इस्त्राईल घरात घुसून मारत होते. आता घरात घुसून मारणाऱ्यांमध्ये भारताचे नावही सामील झाले आहे.’
अमित शहा म्हणाले की, या पाच वर्षात NSG ने भारत सरकारकडून ज्या अपेक्षा ठेवल्या आहेत, त्या सर्व अपेक्षांची पूर्ती पीएम मोदी यांच्या नेतृत्वात भारत सरकार करणार.
शहा म्हणाले, ‘एनएसजीला निश्चितपणे काम करण्यासाठी ज्या प्रकारच्या सुविधांची आवश्यकता होती, त्या सुविधा पूर्ण करण्याच्या दिशेने एक पाऊल पुढे टाकले जात आहे, ही माझ्यासाठी अत्यंत अभिमानाची आणि आनंदाची बाब आहे. सुमारे २४५ कोटी रुपयांच्या बर्‍याच वेगवेगळ्या योजना सुरू झाल्या आहेत आणि त्याचे भूमिपूजन देखील झाले आहे.
ते म्हणाले, ‘एनएसजीने आपल्या स्थापनेपासून ते आजपर्यंत आपल्या जवानांच्या सर्वोच्च बलिदानाने केवळ सरकारवरच नव्हे तर देश आणि जगामध्ये आणि विशेषतः भारतीय जनतेवर विश्वास संपादन करण्यात मोठे यश मिळवले आहे.’