राज्यातील ‘या’ मतदार संघात रक्ताच्या नात्यांमध्येच ‘लढत’, काही ठिकाणी ‘चुरस’ तर कुठं ‘काटे की टक्कर’ !
मुंबई : पोलीसनामा ऑनलाईन – महाराष्ट्रात विधानसभा निवडणुकीच्या मतदानाला सुरुवात झाली असून यामध्ये असे काही उमेदवार आहेत त्यांचे कुटुंब एकत्र आहे. मात्र, ते या निवडणुकीत एकमेकांच्या विरोधात उभे आहेत. कुटुंबातीलच सदस्य एकमेकांच्या विरोधात निवडणुकीच्या रिंगणात उतरल्याने याठिकाणी चुरशीची लढत पहायला मिळत आहे. एकाच कुटुंबातील सदस्य असले तरी त्यांचे विचार आणि वेगवेगळ्या पक्षांच्या चिन्हावर लढत आहेत.
राज्याच्या विधानसभा निवडणुकीमध्ये एकमेकांच्या विरोधात लढणाऱ्या काही उमेदवारांमध्ये रक्ताचे नाते आहे. त्यामुळे दोन पक्षात निवडणूक होत नसून रक्ताच्या नात्यातील दोघांमध्ये निवडणूक होत असल्याने या लढतीकडे संपूर्ण राज्याचे लक्ष लागून राहिले आहे. या निवडणुकीत कोण कुणावर मात करेल हे येत्या गुरुवारी (दि.24) म्हणजे निकालादिवशी समजले. निवडणुकीच्या रिंगणात उतरलेल्या उमेदवारांनी आपणच विजयी होणार असल्याचा दावा केला असला तरी मतदारराजा कोणाच्या पारड्यात कौल टाकतो याची उत्सुकता लागली आहे.
परळीत बहिण विरूद्ध भाऊ –
यंदाच्या विधानसभा निवडणुकीत सगळ्यात हायहोल्टेज आणि प्रतिष्ठेची समजली जाणारी लढत परळीमध्ये होत आहे. या ठिकाणी मुंडे कुटुंबातील बहिण-भाऊ एकमेकांच्या समोर उभे आहेत. भाजपकडून पंकजा मुंडे तर राष्ट्रवादीकडून धनंजय मुंडे यांच्यात होणारी लढत ही लक्षवेधी ठरली आहे. परळी विधानसभा मतदारसंघ स्वर्गीय गोपीनाथ मुंडे यांच्यामुळे भाजपचा बालेकिल्ला बनला आहे. 2014 च्या निवडणुकीमध्ये पंकजा मुंडे यांनी धनंजय मुंडे यांचा परभाव केला आहे.
बीडमध्ये काका Vs पुतण्या –
बीड विधानसभा मतदारसंघामध्ये काका-पुतण्या हे एकमेकांच्या विरोधात निवडणूक लढवत आहेत. शिवसेनेचे जयदत्त शिरसागर यांच्या विरोधात राष्ट्रवादीने जयदत्त यांचे पुतणे संदीप क्षीरसगार यांना निवडणुकीच्या रिंगणात उतरवल्याने याठिकाणीची लढत देखील चुरशीची आहे. या निवडणुकीत काका पुतण्याचा पराभव करणार की पुतण्या काकाचा पराभव करणार याकडे राज्याचे लक्ष लागून राहिले आहे. दुसरीकडे बीड जिल्ह्यातील गेवराई मतदारसंघामध्ये पंडीत परिवारातील काका-पुतणे एकमेकांच्या समोर मैदानात उतरले आहेत. या ठिकाणी राष्ट्रवादीकडून अमरसिंह पंडित तर बादामराव पंडीत हे अपक्ष निवडणूक लढवत आहेत.
निलंग्यात ‘काटे की टक्कर’
लातूर जिल्ह्यातील निलंगा विधानसभा मतदारसंघामध्ये काटे की टक्कर होत आहे. या ठिकाणी माजी मुख्यमंत्री शिवाजीराव निलंगेकर यांचे चिरंजीव अशोक निलंगेकर निवडणुकीच्या रिंगणात उतरले आहेत. तर त्यांच्या विरोधात भाजपकडून संभाजीराव निलंगेकर हे निवडणूक लढवत आहेत. संभाजी निलंगेकर हे शिवाजीराव निलंगेकर यांचे पुतणे आहेत.
Visit :Policenama.com
- अंडी आणि दालचिनी मधुमेहावर आहे गुणकारी औषध, जाणून घ्या –
- ‘इन्सुलिन’चे इंजेक्शन योग्यपद्धतीने घ्या, अन्यथा मधुमेह राहणार नाही नियंत्रणात –
- अर्ध्यावर जीम सोडणे, आरोग्यासाठी आहे गंभीर, जाणून घ्या धोके –
- ‘डाएट’च्या नावाखाली करू नका चूका, अन्यथा आरोग्यावर होतील ‘हे’ गंभीर परिणाम –
- वजन कमी करण्याचा ‘हा’ आहे खास ‘जपानी फार्मुला’! जाणून घ्या –
- सकाळी लवकर जाग येण्यासाठी करा ‘या’ गोष्टी, पहाटे येईल जाग –
- ‘या’ फुलांमुळे तुमची त्वचा राहू शकते निरोगी, जाणून घ्या –
- तरुणांमध्ये का बळावतोय ‘उच्च रक्तदाब’! जाणून घ्या कारणे –
- व्यायाम व झोपेसाठी जपानी कर्मचाऱ्यांना मिळतो ऑफिस कामातून ब्रेक, जाणून घ्या –
- सुंदर दिसण्यासाठी एक तास करा योगासने आणि प्राणायाम, जाणून घ्या –