राष्ट्रीय

मिळाला मोठा खजिना, 10 लाख डॉलरचं ‘गुढ’ 10 वर्षानंतर उघडलं

file photo

नवी दिल्ली : वृत्तसंस्था – जगभरातील कलाकृती व मौल्यवान वस्तू शोधणार्‍या ट्रेझर हंटरचा कोट्यावधीचा खजाना एक दशकानंतर सापडला आहे. हा खजिना रॉकी पर्वत मध्ये आढळला आहे. हे ट्रेझर हंटर फॉरेस्ट फेन यांनी लपवले होते. फेन म्हणाले की, आता हा खजिना पूर्वेकडून आलेल्या एका व्यक्तीने शोधला आहे. त्याने मला खजानाचे फोटो पाठवले आहे.

89 वर्षांचे फॉरेस्ट फेन यांनी दहा वर्षापूर्वी तांब्याच्या पेटीत सोनं, दागिने आणि मौल्यवान वस्तू ठेवून रॉकी माउंटनमध्ये लपवले होते. फॉरेस्ट फेन म्हणाले की, त्या माणसाने मला खजानाचे फोटो पाठवले आहे पण त्यांना त्याचे नाव सार्वजनिक करायचे नाही. या बॉक्समध्ये 1 मिलियन यूएस डॉलर म्हणजे सुमारे 7.54 कोटी रुपयांचा खजिना आहे.

हा खजिना शोधण्यासाठी फॉरेस्ट फेन यांनी 24 ओळींची कविता लिहिली होती. त्यात खजिना शोधण्याचे इशारे देण्यात आले होते. ही कविता त्यांच्या स्वत: च्या ‘द थ्रिल ऑफ चेझ’ या आत्मचरित्रातही होती. नुकतीच त्यांनी कविता ऑनलाइन पोस्ट केली. अमेरिकन रॉकी पर्वत मधील खजिना शोधण्याचा प्रयत्न हजारो लोकांनी केला. पण अयशस्वी ठरले. पण ज्या माणसाला तो सापडला त्याला संपूर्ण कविता आठवली. त्याला प्रत्येक शब्द आणि चिन्ह समजत होता.

फॉरेस्ट फेन यांनी सांगितले की, हा खजिना शोधण्यासाठी चार लोकांचा मृत्यू देखील झाला आहे. पण तो सापडला नाही. हा तांबे बॉक्स सोन्याच्या पावडर, नाणी, सोन्याचे हातोडा, प्रागैतिहासिक मिरर, प्री-कोलंबियन प्राण्यांच्या आकृत्या इत्यादींनी भरलेला आहे. बॉक्सच्या आत मौल्यवान दगड आणि रत्ने देखील आहेत. त्यामध्ये हिरे, पन्ना, माणिक इ. आहेत. फॉरेस्ट म्हणाले की, त्या बॉक्सचे वजन 9 किलो आहे. बॉक्समधील खजिना 10 किलो आहे. म्हणजे संपूर्ण तिजोरी 19 किलोग्रॅमची आहे.

खजिन्याविषयी, फॉरेस्ट म्हणाले की, खजाना शोधल्याबद्दल मी आनंदी आहे आणि मला संपत्ती सोडल्याबद्दल देखील वाईट वाटते. पण तो जीवनाचा एक भाग आहे. ज्यांनी हा खजिना शोधण्याचा प्रयत्न केला त्यांच्या सर्वांचे मी अभिनंदन करू इच्छितो. फॉरेस्ट फेन म्हणाले की, ज्या व्यक्तीला हा खजिना सापडला तो कविता प्रेमी आहे, चिन्हे समजून घेण्यात त्याचे मन पारंगत आहे. म्हणूनच त्याला हा खजिना सापडला. या यशाबद्दल मी त्यांचे अभिनंदन करतो.