Maratha Reservation | सरकार मराठा समाजाच्या कुठल्याच मागण्यांचा विचार करत नाही – संभाजीराजे
file photoपुणे : पोलीसनामा ऑनलाइन – Maratha Reservation | मराठा समाजाचे पाच मूलभूत प्रश्न आहेत, जे मी वारंवार सरकारसमोर मांडले आहेत. ते सरकारच्या हातातले विषय आहेत. आरक्षण हे टप्प्याटप्प्याने मिळणार आहे. मात्र जे सरकारच्या (Government) हातात आहे ते तर त्यांनी द्यावे. उदा. नियुक्त्या (Appointments), ओबीसींना (OBC Reservation) ज्याप्रमाणे शिक्षणात सवलती मिळतात तशाच सवलती गरीब मराठ्यांना द्या. मात्र, हे सरकार मराठा समजाचा (Maratha Reservation) कोणताच विचार करत नसल्याची खंत छत्रपती संभाजी राजे भोसले (Chhatrapati Sambhaji Raje Bhosle) यांनी बोलून दाखवली. ते पुण्यात बोलत होते.
संभाजीराजे म्हणाले, मराठा आरक्षणावर (Maratha Reservation) बोलण्याचा अधिकार मराठा समाजातील सर्व संघटनांना आहे. मी देखील अनेकवेळा सरकारला यासंदर्भात सांगितले आहे. आरक्षण हा एक वेगळा टप्पा आहे. ते लगेच मिळू शकत नाही. मात्र, सरकारच्या समोर मी जे पाच मूलभूत प्रश्न (Basic Questions) मांडले होते त्यावर अद्याप मार्ग निघाला नाही. मी शांत बसलोय, लोकसुद्धा विचार करत असतील की राजे शांत का बसले. परंतु वेळ प्रसंगी मी बोलेल. बरोबर नसणाऱ्या अनेक गोष्टी सध्या घडताना दिसत आहेत. सरकारने लवकरात लवकर निर्णय घ्यावा अन्यथा मराठा समाज काही गप्प बसणार नाही.
केंद्र सरकार (Central Government) असो किंवा राज्य सरकार (State Government) असो लवकरात लवकर त्यांनी ओबीसी आरक्षणावर निर्णय घ्यावा.
एम्पिरिकल डाटा (Empirical Data) गोळा करण्याबाबत लवकरात लवकर निर्णय घ्या. ओबीसींवर अन्याय होऊ नये असे माझं प्रामाणिक मत आहे.
Web Title :- Maratha Reservation | government does not consider any demands maratha community said chhatrapati sambhaji raje
Join our WhatsApp Group, Telegram, facebook page and Twitter for every update
Pune Police Helpline | पोलीस मदतीसाठी डायल 112 योजना ! 7 व्या मिनिटाला मिळणार पोलीस मदत