धक्कादायक ! ‘इच्छा’धारी ‘नाग-नागिन’ची स्टोरी सांगुन 3 मुलींवर केला ‘बलात्कार’
File Photo नवी दिल्ली : वृत्तसंस्था – एका व्यक्तीने एका इच्छाधारी सर्पाची कहाणी सांगितली आणि सात वर्षांत तीन मुलींवर बलात्कार केला. हा गुन्हेगारास पोलीसांनी पकडले तेव्हा पोलीसही आश्चर्यचकित झाले. आरोपीने स्वत:ला शंकरजीचा भक्त सांगत त्याने आपल्या गळ्यावर आणि हातावर सापाचा टॅटूही काढला होता. ही खळबळजनक घटना मध्य प्रदेशातील रायसेन जिल्ह्यातील आहे.
रायसेन जिल्ह्यातील उमरावगंज पोलिस ठाण्यातील खुखरिया गावात ४ मे २०१९ रोजी एका अल्पवयीन मुलीचे अपहरण झाले होते. मुलीच्या वडिलांनी पोलिस स्टेशनमध्ये अपहरणाचा गुन्हा दाखल केला होता. पोलिसांनी विदिशा येथून संतोष नामदेव (वय २५) याला अटक केली. तेव्हा त्याने एक आश्चर्यकारक गोष्ट सांगितली. अपहरणानंतर आरोपीने पीडित मुलीच्या वडिलांना फोनवरून सांगितले की आरोपी आणि पीडित व्यक्ती मागील आयुष्यात इच्छाधारी नाग-नागिन होते. म्हणून देव स्वप्नात म्हणाला की दोघांचे लग्न आवश्यक आहे.
अशा प्रकारे आरोपी संतोष नामदेवने तीन अल्पवयीन मुलींचे अपहरण करून त्यांच्यावर बलात्कार केला. त्याच्या विरोधात कोतवाली पोलीस स्टेशन विदिशा, कोतवाली पोलीस स्टेशन रायसेन आणि उमरावगंज पोलीस ठाण्यात अपहरण, बलात्कार आणि पॉक्सो अ‍ॅक्टचे तीन स्वतंत्र गुन्हे दाखल आहेत. उमरावगंज पोलीस स्टेशन प्रभारी शाहनवाज खान यांनी दिलेल्या माहितीनुसार आरोपी संतोषने अल्पवयीन किशोरीच्या मामाच्या बायकोला बहीण मानले होते. यामुळे संतोष नामदेव याचे पीडितेच्या घरी येणे जाणे चालू असायचे.
आरोपी संतोषने स्वत: ला भगवान भोलेनाथ यांचे भक्त म्हटले. त्याच्या गळ्यावर आणि हातावर सापांचा टॅटूही होता. आरोपी संतोष नामदेव एके दिवशी खुखरिया गावात पोहोचला. ओळखीचा फायदा घेत त्याने अल्पवयीन मुलीच्या वडिलांना सांगितले की तो आपल्या मामाच्या घरी जात आहे. तेथून होशंगाबादची पूजा करून तो परत येईल. त्यानंतर संतोषने पीडितेला आपल्यासोबत घेतले.
किशोरवयीन मुलीच्या वडिलांनी आपल्या मामाला फोन केला असता त्यांना समजले की संतोष नामदेव तेथे पोहोचलेला नाही. यानंतर पीडितेच्या वडिलांनी आरोपी संतोषला फोन केला असता तो म्हणाला की आरोपी व अल्पवयीन किशोरी ही पहिल्यापासूनच इच्छाधारी नाग व नागीण होते. म्हणूनच देवाने त्याला स्वप्नात सांगितले की दोघांचे लग्न आवश्यक आहे. असे बोलून संतोषने त्याचा फोन बंद केला. यानंतर पीडित मुलीच्या वडिलांनी उमरावगंज पोलीस ठाण्यात मुलीच्या अपहरणाची तक्रार दाखल केली.
आरोपी हरिपुरा विदिशामध्ये राहत असल्याचे पोलीसांना समजले. त्यानंतर १९ नोव्हेंबर रोजी पोलीस तेथे पोहोचले आणि आरोपी संतोषला अटक केली आणि पीडितेला तिच्या वडिलांकडे पाठवले. पीडित महिलेने पोलीसांना सांगितले की संतोष नामदेवने तिला बासौदा, विदिशाच्या राजपूत कॉलनीसह विविध ठिकाणी ठेवले आणि तेथेच तिच्यावर बलात्कार करत राहिला.
आरोपी संतोष नामदेवने अशाच पद्धतीच्या तीन घटनांना चालना दिलेली आहे. २०१३ मध्ये रायसेन कोतवाली पोलीस ठाण्यात अपहरण, बलात्कार आणि पॉक्सो अ‍ॅक्टचा गुन्हा दाखल करण्यात आला होता. २०१६ मध्ये विदिशा कोतवाली पोलिस ठाण्यात अपहरण, बलात्कार आणि पॉक्सो अ‍ॅक्टचा गुन्हा दाखल करण्यात आला होता. ४ मे २०१९ रोजी उमरावगंज पोलीस ठाण्यात अपहरण, बलात्कार आणि पॉक्सो अ‍ॅक्टचा गुन्हा दाखल करण्यात आला होता.
Visit : Policenama.com
- सुगंधी तेलच्या मसाजने होतील ‘हे’ ८ आरोग्यदायी फायदे, जाणून घ्या
- थंडीत गरम कपडे परिधान कराच, अन्यथा बिघडू शकते आरोग्य, लक्षात ठेवा ४ गोष्टी
- आहारात ‘व्हिटॅमिन सी’ हवेच, अन्यथा होऊ शकतात ‘या’ ५ आरोग्य समस्या
- शारीरिक हालचाल आवश्यकच, अन्यथा शरीरात होतील ‘हे’ ८ बिघाड!
- थंडीमुळे ओठ पांढरे पडलेत, फाटलेत का? मग करा ‘हे’ ६ घरगुती उपाय
- ‘हे’ ५ व्हिटामिन्स शरीरासाठी आवश्यक, कमतरतेमुळे होतात ‘या’ आरोग्य समस्या
- मधुमेह नियंत्रणात ठेवण्यासाठी ‘हे’ ५ पदार्थ नियमित करा