Mothers Day 2020 : ‘लॉकडाऊन’मध्ये ओसांडून वाहणाऱ्या ‘आई’च्या मायेनं भारावून गेल्या ‘मुली’
पोलीसनामा ऑनलाईन : जरी दरवर्षी मदर्स डे येत असेल, तरी यावेळी हा दिवस काहीसा खास आहे. कारण पहिली गोष्ट म्हणजे मदर्स डे रविवारी आहे, ज्यामुळे आपल्याला संपूर्ण दिवस त्यांच्यासोबत घालवण्यासाठी वेळच वेळ आहे आणि दुसरे म्हणजे लॉकडाऊन आहे, ज्यामुळे अधिकतर लोक हे घरातच आहेत. या मदर्स डे संदर्भात आपण काही मुलींचे अनुभव कथन करणार आहोत, ज्यांना लॉकडाऊनमुळे आपल्या आईसोबत वेळ घालवण्यास मिळाला आणि त्यांची आई देखील कशी मनमिळाऊ आणि नव्या जगासोबत पुढे जाणारी आहे हे समजले.
किशोरवयीन मुलींना त्यांचे जीवन बनवण्याच्या धावपळीत प्रत्येक गोष्ट दुय्यम दिसते. इतकेच नाही तर त्या आपल्या परिवारास विशेषतः आईला फॉर ग्रांटेड धरू लागतात. अर्थात, त्या त्यांच्या गोष्टी आईशी शेअर करतात, परंतु आईच्या सूचना ऐकल्यानंतर, त्यांना असे वाटते की आईला फक्त भाषणच देता येते. तथापि, जेव्हा त्या घर सोडून वास्तविक जगात जातात, तेव्हा त्यांना वास्तविक जीवनाचे दर्शन घडते. तेव्हा त्यांना त्यांचे सर्व सुख आणि दु:ख आईशी वाटून घ्यायचे असते, परंतु त्यावेळी आई दूर असते आणि त्यावेळी आईला का त्रास द्यावा हे त्यांना वाटते.
त्याच प्रकारे, आई देखील मुलींना फक्त चांगल्याच गोष्टी सांगतात आणि त्यांच्या वेदना लपवतात. आता या लॉकडाऊनच्या काळामुळे आई आणि तरुण मुलींना एकाच छताखाली एकत्र राहण्यास इतका वेळ मिळाला आहे, त्या वास्तविक खऱ्या प्रेमाचा प्रवाह ओसंडून वाहत आहे. हा मौल्यवान वेळ एकमेकांना काहीतरी शिकवण्यात आणि मनातील गोष्टी सांगण्यात घालवत आहेत.
आई आधुनिक विचारांची आहे:
महाविद्यालयीन शिक्षणासाठी निहारिका सिंघल आठ वर्षांपासून घराबाहेर आहे. कधीकधी तिला काही दिवसांसाठीच घरी जाता येते. लॉकडाऊन होण्यापूर्वी, जेव्हा तिच्या कंपनीने वर्क फ्रॉम होम करण्यास सांगितले तर ती घरी राहायला आली. तेव्हा तिला कळाले की तिची आई प्रतिमा सिंघल ही इतकी छान आणि नव्या विचारांची असू शकते. तिला हे कधीच वाटले नव्हते की तिची आई तिच्या रिलेशनशिप बद्दल बोलू शकेल. आता ती घरी असताना आईबरोबर सर्व काही शेअर करते. निहारिका म्हणते की मी जर तिच्याबरोबर घरी असेल तर मी तिच्या रडारवर पूर्णपणे आहे. आई सर्व प्रकारचे प्रश्न विचारते, जसे की आपण रात्री कोणाशी बोलता? मला वाटलेच नाही की माझी आई इतकी साथ देणारी आहे की ती मला सांगेल की तू तुझा जोडीदार निवडू शकते. या दिवसात मी तिला पूर्णपणे ओळखले आहे, असे निहारिकाने स्पष्ट केले.
आशीर्वादासारखी आहे ही वेळ:
प्रेरणा चटवाल कौटुंबिक कार्यक्रमात सहभागी होण्यासाठी कुवेतहून भारतात आली होती, परंतु लॉकडाऊनमुळे परत जाऊ शकली नाही. कुवैतमध्ये मर्सिडीज बेंझच्या टॉप मॅनेजमेंटमध्ये काम करणार्‍या प्रेरणासाठी हे दिवस वरदान ठरले आहेत, कारण ती आता सकाळपासून संध्याकाळपर्यंत तिची आई मंजीत चटवालसोबत राहते. प्रेरणा सांगते की, मी तीन दिवसांची सुट्टी घेऊन आले होते, परंतु येथे लॉकडाऊन सुरु झाले आणि मला आईवडिलांबरोबर, विशेषत: आईबरोबर वेळ घालवण्याची संधी मिळाली. मी सहा महिन्यांनंतर घरी आले आहे. पूर्वी देखील मी यायचे, पण तो सर्व वेळ धावपळीतच जायचा. आईसोबत निवांत बसून चार गोष्टी करण्याची संधी कधीच मिळाली नव्हती. त्यामुळे ही सर्वोत्तम वेळ आहे. मी आईबरोबर खूप मजा करत आहे. मी तिच्याकडून बेकिंग आणि स्वयंपाक शिकला आहे. आता जेव्हा मी तिच्यासाठी काहीतरी बनवते तेव्हा मनाला वेगळेच समाधान वाटते. या आधी तर आई काहीच न बोलता संपूर्ण वेळ स्वयंपाकघरातच असायची. जरी तिची तब्येत खराब असली, तरीही ती कोणालाही स्वयंपाकघरात येऊ देत नसे. हा काळ माझ्यासाठी एक आशीर्वादासारखा आहे. यासाठी मी देवाचे आभार मानते.
क्रिएटिव गोष्टींबद्दल बोलतो:
सान्या जैन बारावीनंतर जम्मूमधून आपल्या घरातून अभ्यासाच्या संदर्भात चंदीगडला गेली होती. मग कामानिमित्त दिल्लीला आली. कधी कधी एक दोन आठवड्यांसाठी घरी गेली तर ते दिवस फार विशेष मानले जात असत. आता जेव्हा बर्‍याच दिवसांसाठी आईबरोबर वेळ घालवण्यास मिळाला आहे तर बर्‍याच गोष्टी एकत्र करण्याचा आनंद भेटत आहे. एकत्रितपणे त्या स्वयंपाकघरात काम करतात. सान्या म्हणते की, आम्ही एकत्र खेळ खेळतो. संध्याकाळी अर्धा तास मी आणि आई छतावर फिरतो आणि आमच्या गोष्टी सामायिक करतो. मी वर्क फ्रॉम होम करत असल्याने मी माझ्या ऑफिसबद्दल तिच्याशी बोलते आणि माझी आई शाळा समन्वयक आहे त्यामुळे ती तिच्या शाळेच्या गोष्टी मला सांगते. आम्ही फक्त क्रिएटिव गोष्टींबद्दल बोलतो. लॉकडाऊननंतर आयुष्यात काय बदल होईल याविषयी चर्चा करतो किंवा जुन्या गोष्टींना उजाळा देतो. अलीकडे आम्ही जुने अल्बम काढले आणि जुन्या काळाची आठवण झाली. या चित्रांकडे पाहिल्यावर असे लक्षात आले की जेव्हा आई वीस वर्षांची होती, मी आज अगदी तशीच दिसते. शिवाय, आमची हेअर स्टाईल देखील सारखीच आहे. सान्याला घरी राहून स्वयंपाक करण्यात रस आला आहे. संध्याकाळी ती व्यायामाच्या नावाखाली आईकडून एक छोटेसे नृत्य देखील करून घेते, कारण तिचे वजन वाढले आहे.
चोवीस तास खूपच कमी वाटतात:
टीव्ही अभिनेत्री मदिराक्षी मुंडले हिने सांगितले की मी माझ्या आईकडून कधीच काही लपवले नाही. जेव्हा आमच्या कार्यक्रमाचे शूटिंग रद्द करण्यात आले तेव्हा मी माझ्या आईला ठाण्याहून माझ्या जवळच्या शहरातील मोठ्या बहिणीकडे आणले. मी माझ्या आईसाठी काही करू शकले तर मला आनंद आहे. आयुष्यातील इतर सर्व काही सापडते, परंतु आईच नाही. मी नेहमीच तिला माझ्या डोळ्यासमोर ठेवण्याचा प्रयत्न करते. आई म्हणते की मी नाही तर तू माझी आई आहे. सकाळी उठल्याबरोबर मी तिच्या मांडीवर डोके टेकवते, तिचा हात माझ्या डोक्यावर येताच मला आराम मिळतो. मी हे क्षण गमावू इच्छित नाही. त्यासाठी मला चोवीस तासही कमी लागतात. जेव्हा ती दिवसा झोपत असते तेव्हा मी तिला आश्चर्यचकित करण्यासाठी काहीतरी करते. मी तिच्याबरोबर सजावट करण्यास शिकत आहे. ती म्हणते की खाण्याचे प्रेझेंटेशन चांगले असले पाहिजे.