Pune Corona | चिंताजनक ! शहरातील सक्रिय रुग्णांची संख्या अडीच हजारांच्यावर, गेल्या 24 तासात 524 नवीन रुग्ण, जाणून घ्या इतर आकडेवारी
पुणे : पोलीसनामा ऑनलाइन – पुण्यात कोरोना बाधित रुग्णांच्या (Pune Corona) संख्येत दिवसेंदिवस वाढ पहायला मिळत आहे. रुग्णांची संख्या वाढल्याने शहरातील अॅक्टिव्ह रुग्णांची संख्या अडीच हजारांच्या वर गेली आहे. तर ऑक्सिजनवर उपचार घेणाऱ्या रुग्णांची देखील संख्या वाढली आहे. आज दुपारी चार वाजेपर्यंत शहरामध्ये कोरोनाचे (Pune Corona) 524 नवीन रुग्ण आढळून आले आहेत. तर 79 रुग्णांनी कोरोनावर मात केली असून त्यांना डिस्चार्ज (Discharge) देण्यात आला आहे, अशी माहिती पुणे महापालिकेच्या आरोग्य विभागाने (PMC Health Department) दिली आहे.
आज पुणे शहरात 6 हजार 786 संशयित रुग्णांची तपासणी करण्यात आली असून यामध्ये 524 जणांचा अहवाल पॉझिटिव्ह आला आहे. आज पर्यंत करण्यात आलेल्या एकूण 38 लाख 79 हजार 487 प्रयोगशाळा तपासणीत 5 लाख 11 हजार 141 जणांना कोरोनाची बाधा (Pune Corona) झाली आहे. यापैकी 4 लाख 99 हजार 509 रुग्णांनी कोरोनावर मात केली आहे.
शहरात रुग्णांची संख्या वाढत असताना शहरात मृत्यूचे प्रमाण (Fatality Rate) कमी असल्याने मोठा दिलासा मिळाला आहे.
आज शहरात 2 रुग्णांचा मृत्यू झाला आहे. यामध्ये शहरातील एक आणि शहराबाहेरील एका रुग्णाचा समावेश आहे.
आजपर्यंत शहरात 9 हजार 118 जणांचा कोरोनामुळे मृत्यू झाला आहे. सध्या शहरामध्ये 2 हजार 514 अॅक्टिव्ह रुग्ण
(Active patient) असून यामध्ये 99 रुग्ण गंभीर आहेत. तर 72 रुग्ण ऑक्सिजनसह उपचार घेत आहेत.
Web Title :- Pune Corona | Worrying ! The number of active patients in the city is over two housands five hundred, 524 new patients in last 24 hours, find out other statistics
Join our WhatsApp Group, Telegram, facebook page and Twitter for every update
Credit Card | क्रेडिट कार्डचा वापर करताना लक्ष ठेवा, अन्यथा होऊ शकते मोठे नुकसान