पुणे : पोलीसनामा ऑनलाईन – महिन्याला 5 हजार रुपयांचा हप्ता देण्यास नकार देणार्‍या एका हॉटेल व्यावसायिकाला सराईताने धमकावत त्याचे व्हिडीओ रेकॉर्डिंगकरून जीवे ठार मारण्याची धमकी दिल्याची घटना घडली आहे. याप्रकरणी रितेश विशाल पवार (वय 19, रा. वडगांव शेरी) याला पोलीसांनी अटक केली आहे. याबाबत येरवडा पोलीस ठाण्यात 41 वर्षीय व्यावसायिकाने फिर्याद दिली आहे.
पोलीसांनी दिलेल्या माहितीनुसार, रितेश पवार हा अल्पवयीन असल्यापासून गुन्हेगारी क्षेत्रात आहे. अल्पवयीन असताना त्याच्यावर दोन गुन्हे दाखल आहेत. तर, मध्यंतरी एक जबर मारहाणीचा गुन्हा दाखल आहे. दरम्यान, फिर्यादी यांचे नेहा नावाचे वडगांव शेरीत हॉटेल आहे. हॉटेलात रितेश पवार हा शुक्रवारी दुपारी आला होता. त्याने फुकट जेवण देण्याची मागणी केली.
परंतु, फिर्यादींना त्याला नकार दिला. यावेळी त्याने धमकावत महिन्याला 5 हजार रुपयांचा हप्ता मागितला. हप्ता देण्यास देखील फिर्यादींनी नकार दिला. यावेळी रितेशन याठिकाणी गोंधळ घालत स्वतच्याच अंगावर रॉकेल ओतून घेतले. तसेच, जाळून घेण्याची धमकी दिली. त्यानंतर व्यावसायिकाला जिस दिन मिलेगा उस दिन मुंडी कट करके पोलीस स्टेशन मे भेज दुंगा अशी धमकी दिली. धमकी देतानाचे व्हिडीओ चित्रीकरणही केले. तसेच, तो येथून निघून गेला. त्यानंतर फिर्यादी पोलीसांकडे तक्रार दिली. पोलीसांनी रितेशला अटक केली आहे. अधिक तपास सहायक निरीक्षक बलभिम ननावरे यांनी केली आहे.
फेसबुक पेज लाईक करा – https://www.facebook.com/policenama/
- झोपण्यापूर्वी ‘मोबाईल चेक’ करण्याच्या सवयीमुळे होतात ‘हे’ 6 धोके
- ‘चॉकलेट’ च्या पसंतीवरून समजते तुमचे व्यक्तिमत्व, ‘हे’ 5 प्रकार लक्षात ठेवा
- रिकाम्यापोटी चहा घेण्याचे ‘हे’ 4 धोके! वेळीच व्हा सावध!
- लाल कांद्याचे ‘हे’ 5 आरोग्यदायी फायदे तुम्हाला माहीत आहेत का ?
- ‘हेल्दी लिव्हर’ साठी ‘या’ 4 पदार्थांचा आहारात करा समावेश
- तणावग्रस्त असणार्‍यांनी करावेत ‘हे’ 5 उपाय, जाणून घ्या फायदे
- हृदयाचे आरोग्य उत्तम राखण्यासाठी ‘या’ 4 तपासण्या करा ! जाणून घ्या 6 लक्षणे