पुणे : पोलीसनामा ऑनलाइन – शहराला दैनंदिन स्वरूपात स्वच्छ ठेवण्यासाठी शहराचे सर्वच रियल हिरो म्हणजेच सफाई सेवक हे रोज आपले काम प्रामाणिकपणे करीत असतात. रस्त्यावर झाडू मारणे, कचऱ्याने भरून वाहणारे कंटेनर आवरणे, ड्रेनेज साफ करणे अशी कितीतरी घाणीची कामे महानगरपालिकेतील एक कर्मचारी गेली अनेक वर्षे आनंदाने गाणी म्हणत म्हणत करीत आहे. त्यांचे नाव महादेव जाधव. महापौर मुरलीधर मोहोळ यांच्या हस्ते त्यांचा पुष्पगुच्छ देऊन सत्कार करण्यात आला. याप्रसंगी स्थायी समितीचे अध्यक्ष मा.हेमंत रासने, राष्ट्रवादी पक्षाचे गटनेते मा.दिलीप बराटे, काँग्रेस पक्षाचे गटनेते मा.अरविंद शिंदे, शिवसेनेचे गटनेते मा.पृथ्वीराज सुतार, माजी सभागृहनेते व नगरसेवक मा.श्रीनाथ भिमाले, घनकचरा व्यवस्थापन विभागाचे सहआयुक्त ज्ञानेश्वर मोळक उपस्थित होते.
पुणे मनपाचा हा रियल हिरो गेली अनेक वर्षे आपले दैनंदिन काम करताना शाहिरी, गाणी म्हणत नागरिकांचे प्रबोधन करीत आहे, नागरिकांनी कचऱ्याचे वर्गीकरण करावे, सार्वजनिक ठिकाणी कचरा न टाकता तो महानगरपालिकेच्या यंत्रणेस द्यावा, प्लास्टिकचा वापर करू नये अशा अनेक विषयांवर महादेव जाधव विविध प्रकारची रोचक गीते तयार करून त्यातून नागरिकांचे प्रबोधन करीत आहेत. तसेच मानवनिर्मित कचऱ्याची समस्या, कचरा निर्मूलन प्रक्रिया व त्यात येणाऱ्या अडचणी व या अडचणींना जीव आरोग्य जोखमीत टाकून तोंड देणारा सफाई सेवक या घटकावर आधारित लक्षुमी या माहितीपटात त्यांनी काम केले असून या माहितीपटास यावर्षीच्या आण्णाभाऊ साठे राष्ट्रीय लघुपट स्पर्धेत प्रथम क्रमांक मिळाला आहे.
महादेव जाधव हे कचऱ्याबाबतची प्रत्येक समस्या व ती कशामुळे होते व ती नष्ट करण्यासाठी नागरिकांनी काय केले पाहिजे याबाबत नागरिकांचे सातत्याने प्रबोधन करीत आहे. ते सन २००० सालापासून पुणे मनपामध्ये सफाई सेवक म्हणून काम करीत असून या २० वर्षाच्या सेवेत आपले दैनंदिन स्वच्छतेचे करीत असतानाच गाणी गाऊन ते नागरिकांचे प्रबोधन देखील करीत आहेत. यासाठीच त्यांची नेमणूक पुणे स्वच्छ व सुंदर पुणे शहराचे व “स्वच्छ सर्वेक्षण २०२०” साठीचे “ब्रँड अँबेसेडर” म्हणून करण्यात येत आहे.
फेसबुक पेज लाईक करा : https://www.facebook.com/policenama/
- अशी मिळवा ‘किडनी स्टोन’पासून सुटका, करा ‘हे’ ५ घरगुती उपाय
- वीकेंडला झोप पूर्ण करून घ्या, अन्यथा पडू शकते महागात, वाचा ‘हे’ ३ निष्कर्ष
- रोज ओले खोबरे खाण्याचे ‘हे’ आहेत 5 फायदे !
- कारल्याचे ‘हे’ ११ फायदे वाचून नियमित खाल भाजी, जाणून घ्या
- ‘मायग्रेन’च्या डोकेदुखीने त्रस्त आहात ? ‘या’ ८ गोष्टींचे करा सेवन
- तुम्ही अशाप्रकारे झोपता का? जाणून घ्या ४ योग्य-अयोग्य पद्धती