पुण्यात ‘स्पा’ सेंटरमध्ये चालणाऱ्या हाय प्रोफाईल ‘सेक्स’ रॅकेटचा पर्दाफाश

पुणे : पोलीसनामा ऑनलाइन – मसाज सेंटरच्या नावाखाली चालणाऱ्या सेक्स रॅकेटचा येरवडा पोलिसांनी पर्दाफाश केला आहे. या कारवाईत सेक्स रॅकेट चालवणाऱ्या दोघांना अटक करुन तीन परदेशी मुलींची सुटका करण्यात आली आहे. कारवाई दरम्यान 14 हजार 350 रुपयाचा मुद्देमाल जप्त करण्यात आला आहे. प्रियंका शंकर तोटे (वय-31 रा. रामचंद्र सभागृहाजवळ, वडगाव शेरी), आणि स्पा मालक महेश श्रीनिवास गुंडट्टी यांना अटक करण्यात आली आहे.

ही कारवाई शनिवारी (दि. 23) रात्री साडेनऊच्या सुमारास विमाननगर येथील फॉरच्युन थाई स्पा नावाच्या मसाज सेंटरवर करण्यात आली. या कारवाईत थायलंड येथील तीन महिलांची सुटका करण्यात आली आहे. येरवडा पोलीस ठाण्याचे सहायक पोलीस फौजदार राजू प्रभाकर बहीरट यांनी येरवडा पोलीस ठाण्यात फिर्याद दिली आहे.

विमाननगर येथील फिनीक्स मॉल चौकातील ललवानी प्रेस्टीज मधील नानाश्री लॉजच्या दुसऱ्या मजल्यावर फॉरच्युन थाई स्पा सेंटरमध्ये मसाजच्या नावाखाली सेक्स रॅकेट चालवले जात असल्याची माहिती येरवडा पोलिसांना मिळाली. पोलिसांनी या ठिकाणी छापा टाकून सेक्स रॅकेट चालवणाऱ्या दोघांसह तीन थायलंड येथील महिलांची सुटका केली. आरोपींनी सुटका केलेल्या महिलांना स्पा सेंटरमध्ये थेरेपिस्ट म्हणून कामावर ठेवून त्याच्याकडून वेश्या व्यवसाय करवून घेत असल्याचे तपासात समोर आले आहे. पोलिसांनी या ठिकाणाहून रोख रक्कम, मोबाईल आणि इतर वस्तू असा एकूण 14 हजार 350 रुपयांचा मुद्देमाल जप्त केला आहे.

ही कारवाई येरवडा विभागाचे सहायक पोलीस आयुक्त गुन्हे रामचंद्र देसाई, पोलीस निरीक्षक गुन्हे अजय वाघमारे यांच्या मार्गदर्शनाखाली तपास पथकाचे सहायक पोलीस निरीक्षक बलभिम ननवरे, सहायक पोलीस फौजदार बाळासाहेब बहिरट, पोलीस हवालदार बाळासाहेब गायकवाड, किरण खुडे, हणमंत जाधव, पोलीस नाईक मनोज कुदळे, अशोक गवळी, रामदास घावटे, श्रीकांत बनसुडे, पोलीस कॉन्स्टेबल धांडे, महिला पोलीस नाईक नवले, शिवानी जगताप यांच्या पथकाने केली. पुढील तपास पोलीस निरीक्षक (गुन्हे) अजय वाघमारे करीत आहेत.

Visit : Policenama.com

• सुगंधी तेलच्या मसाजने होतील ‘हे’ ८ आरोग्यदायी फायदे, जाणून घ्या
• थंडीत गरम कपडे परिधान कराच, अन्यथा बिघडू शकते आरोग्य, लक्षात ठेवा ४ गोष्टी
• आहारात ‘व्हिटॅमिन सी’ हवेच, अन्यथा होऊ शकतात ‘या’ ५ आरोग्य समस्या
• शारीरिक हालचाल आवश्यकच, अन्यथा शरीरात होतील ‘हे’ ८ बिघाड!
• थंडीमुळे ओठ पांढरे पडलेत, फाटलेत का? मग करा ‘हे’ ६ घरगुती उपाय
• ‘हे’ ५ व्हिटामिन्स शरीरासाठी आवश्यक, कमतरतेमुळे होतात ‘या’ आरोग्य समस्या
•  मधुमेह नियंत्रणात ठेवण्यासाठी ‘हे’ ५ पदार्थ नियमित करा