मुंबई : पोलीसनामा ऑनलाइन – शिवसेनेचे युवा नेते आदित्य ठाकरे यांनी वरळी विधानसभा मतदारसंघातून निवडणूक लढवण्याचा निर्णय घेतल्यानंतर मनसेने अद्याप याठिकाणी उमेदवार दिला नाही. आदित्य ठाकरे यांची विधानसभेवर सहज निवड व्हावी म्हणून शिवसेना नेते संजय राऊत यांनी केलेली शिष्टाई निष्फळ ठरली आहे. बसपा नेते सुरेश माने वरळी विधानसभा मतदारसंघातून राष्ट्रवादी काँग्रेस पक्षाच्या चिन्हावर निवडणूक लढवणार असल्याचे जाहीर करण्यात आले आहे. माजी उपमुख्यमंत्री तसेच पक्षाचे इतर पदाधिकारी यांच्या उपस्थितीत माने यांना एबी फॉर्म देण्यात आला.
बसपा नेते सुरेश माने वरळी विधानसभा मतदारसंघातून राष्ट्रवादी काँग्रेस पक्षाच्या चिन्हावर निवडणूक लढवणार असल्याचे जाहीर करण्यात आले. माजी उपमुख्यमंत्री @AjitPawarSpeaks, मुख्य प्रवक्ते @nawabmalikncp, तसेच पक्षाचे इतर पदाधिकारी यांच्या उपस्थितीत माने यांना एबी फॉर्म देण्यात आला. pic.twitter.com/gAvRhVpdRO
— NCP (@NCPspeaks) October 3, 2019
आदित्य ठाकरे यांच्या रुपाने ठाकरे घराण्यातील पहिला व्यक्ती प्रथमच निवडणुकीच्या रिंगणात उतरले आहेत. आदित्य ठाकरे हे मुंबईतील वरळी विधानसभा मतदारसंघातून निवडणूक लढवणार असून त्यांची निवडणूक सोपी व्हावी यासाठी शिवसेनेने राष्ट्रवादीचे माजी आमदार सचिन आहिर यांना शिवसेनेत घेतले. त्यानंतरही निवडणुकीत कोणताही दगाफटका होऊ नये यासाठी शिवसेनेने प्रयत्न केले होते. त्यासाठी शिवसेनेचे नेते संजय राऊत यांनी राष्ट्रवादीचे अध्यक्ष शरद पवार यांची मुंबईतील त्यांच्या निवासस्थानी भेटही घेतली होती. राष्ट्रवादीने वरळीतून उमेदवार देऊ नये अशी गळ राऊत त्यांनी पवारांना घातल्याची चर्चा होती. मात्र, राष्ट्रवादी काँग्रेस वरळीची जागा लढवणार असून तिथून बहुजन रिपब्लिकन सोशॅलिस्ट पार्टीचे नेते अॅड. सुरेश माने यांना उमेदवारी दिली आहे.
अॅड. सुरेश माने हे राष्ट्रवादी काँग्रेस पक्षाच्या चिन्हावर निवडणूक लढवणार असून त्यांना आज पक्षाचा एबी फॉर्म देण्यात आला आहे. वरळीत दलित मतांची संख्याही मोठी आहे. काँग्रेस व मित्र पक्षांच्या साथीनं आदित्य ठाकरे यांना कडवी लढत देता येईल, अशी आशा राष्ट्रवादीला आहे. सुप्रिया सुळे यांनी राजकारणात प्रवेश केला त्यावेळी बाळासाहेब ठाकरे यांनी सुप्रिया सुळे विरुद्ध उमेदवार देणार नसल्याचे शरद पवार यांना सांगितले होते. त्यामुळे आदित्य ठाकरे निवडणुकीच्या रिंगणात उतरल्यानंतर राष्ट्रवादी उमेदवार देणार नाही अशी शक्यता वर्तवण्यात आली होती.
Visit : Policenama.com
- बाजारातील ‘कोल्ड्रिंक’ पेक्षा घरात अशी तयार करा आरोग्यदायी शीत पेय
- लिंबू सरबत आरोग्यासाठी आहे गुणकारी, नियमित घेतल्यास होतील ‘हे’ फायदे
- तारुण्य टिकविण्यासाठी तरूणांनी ‘हे’ खावे, व्यक्तीमहत्व खुलण्यासाठी आवश्य
- दम्याचा त्रास असेल तर घरातील ‘हा’ पदार्थ आहे रामबाण उपाय, जाणून घ्या
- मुलींमध्ये अठराव्या वर्षानंतर उद्भवू शकतात ‘या’ समस्या, करा ‘हे’ उपाय
- पुरूषांनो, डोक्याला टक्कल पडली असेल तर करा ‘हे’ खास घरगुती उपाय
- महिलांनी ‘हे’ फळ खाल्ले तर येणार नाही ‘हार्टअटॅक’, हे आहेत आरोग्यदायी फायदे
- तुम्हाला ‘ही’ सवय असेल तर वेळीच व्हा सावध, हाडे होऊ शकतात ठिसूळ
- परीक्षेचे टेन्शन घेऊ नका, तणावमुक्त राहण्यासाठी अशी करा तयारी
- आरोग्यासह सौंदर्य प्रदान करणारे आहे ‘हे’ पारंपारिक पेय, नियमित प्या