क्राईम स्टोरीमनोरंजन

‘आत्महत्या’ करण्याच्या काही दिवसांपूर्वी सुशांतला आईची आठवण झाली, ‘ही’ होती शेवटची पोस्ट

sushant-singh File Photo

नवी दिल्ली : वृत्तसंस्था – वर्ष 2020 केवळ संपूर्ण देशासाठीच नाही तर चित्रपटसृष्टीसाठी देखील अत्यंत वाईट असल्याचे सिद्ध होत आहे. आज फिल्म इंडस्ट्रीत एक धक्कादायक बातमी आली ज्याने सर्वांना हादरवून सोडले आहे. बॉलिवूड अभिनेता सुशांतसिंग राजपूतने आत्महत्या केली आहे. आपल्या चित्रपटांद्वारे आयुष्य जगायला शिकवणाऱ्या अभिनेत्याने अशाप्रकारे आत्महत्या केली हे सर्वांसाठी धक्कादायक आहे. चाहत्यांपासून बॉलिवूड सेलेब्सपर्यंत प्रत्येकजण ही बातमी ऐकून सुन्न झाले आहेत. सुशांतने आपल्या घरात गळफास लावून आत्महत्या केली आहे. त्याच्या घरी काम करणाऱ्या नोकराने पोलिसांना याची माहिती दिली. सध्या पोलिस घटनास्थळी पोहोचले असून नोकर आणि शेजार्‍यांकडे याबाबत चौकशी करत आहेत.

सुशांत हा त्या बॉलीवूड सेलिब्रेटींपैकी एक होता जो फक्त खऱ्या आयुष्यातच हसतमुख आणि आनंदी होता असे नाही तर तो पडद्यावरील एक उत्तम अभिनेताही होता. सुशांत सोशल मीडियावरही खूप अ‍ॅक्टिव होता. पण त्याने काही काळापासून त्याच्या इंस्टाग्रामवर काही पोस्ट केले नव्हते. सुशांतने इंस्टाग्रामवर शेवटची पोस्ट 3 जून रोजी शेअर केली होती ज्यात त्याने आपल्या आईची आठवण काढली होती. या पोस्टमध्ये सुशांतने एका बाजूला आपला फोटो लावला होता आणि एका बाजूला आपल्या आईचा फोटो लावला होता.

सुशांतने 27 डिसेंबर 2019 रोजी ट्विटरवर शेवटचे पोस्ट केले गेले होते. ज्यामध्ये तो कुठेतरी प्रवास करताना दिसला होता.