नवी दिल्ली : वृत्तसंस्था – भारतीय सैन्य आपली सैन्य क्षमता वाढवण्याचा प्रयत्न करत आहे, जेणेकरून कोणत्याही गंभीर परिस्थितीत हल्ल्यासाठी ते पूर्णपणे तयार असतील. अलीकडेच चीनशी असणारा सीमावाद असो वा पाकिस्तानशी असलेला तणाव असो, या सर्व कारणांमुळे सैन्य स्वतःला सुदृढ बनवत आहे.
सैन्य हाताने प्रक्षेपित करणाऱ्या आणि रिमोट कंट्रोल्ड मानवरहित हवाई वाहन ‘रेव्हन’ अमेरिकेकडून खरेदी करणार आहे. या व्यतिरिक्त अत्याधुनिक इस्त्रायली स्पाइक फायरफ्लाय ‘लॉयरटिंग’ देखील सैन्यात समाविष्ट केले जात आहे. तसेच ४० किलोमीटरहून अधिक सीमेसह लांब पल्ल्याचा अचूक हल्ला करणाऱ्या क्षेपणास्त्रांनाही सैन्यात समाविष्ट केले जाईल.
एकीकडे सेना आपले पायदळ सैन्य मजबूत करत आहे, तसेच वायुसेना या महिन्यात पॅरिसमधून पाच राफेल मल्टी-रोल लढाऊ विमान प्राप्त करेल. यापैकी चार फ्रान्समध्ये प्रशिक्षणासाठी वापरले जातील. दुसरीकडे भारतीय नौदल या वर्षाच्या अखेरीस आपले दुसरी बॅलेस्टिक क्षेपणास्त्र-फायरिंग अण्वस्त्र पाणबुडी, आयएनएस अरिघाटला कमिशन करण्यास तयार आहे.
साऊथ ब्लॉकमधील घटनेतील संबंधितांनी सांगितले की, सैन्य २०० आरक्यू-११ यूएव्ही मिळवण्यास तयार आहे, जे ५०० फूट उंचीवर १० किलोमीटरपर्यंत उड्डाण करू शकते आणि ताशी ९५ किलोमीटर वेगाने पोहोचू शकते.
चीनसह सीमा विवाद लक्षात घेता भारतीय सैन्याने इस्त्राईलकडून स्पाईक मार्क ३ अँटी-टँक मार्गदर्शित क्षेपणास्त्रांची खरेदी केली. तसेच आता हे स्पाइक फायरफ्लाय ‘लॉयटरिंग’ खरेदी करण्यात व्यस्त आहे. हे शस्त्र एक किमी अंतरामध्ये लपलेल्या शत्रू सैन्यावर अचूक हल्ला करू शकते.
अद्ययावत फायरफ्लाय शस्त्रामध्ये फक्त लक्ष्य शोधण्याची क्षमताच नाही, तर लक्ष्य सीमेच्या पलीकडे गेल्यास परत देखील बोलावले जाऊ शकते. लडाखमध्ये भारतीय वायुसेना आणि भारतीय सैन्य सर्वात पुढे आहे. त्याचबरोबर भारतीय नौदल हिंद महासागरातील चिनी युद्धनौकाविरूद्ध स्पर्धा करत आहे.
वरिष्ठ लष्करी अधिकाऱ्यांच्या म्हणण्यानुसार, गुरुग्राम येथील फ्यूजन सेंटरच्या माध्यमातून संपूर्ण लडाख संकटाच्या वेळी नौदलाने हिंद महासागरावर बारीक नजर ठेवली. तसेच अरबी समुद्र आणि हिंद महासागर क्षेत्रातून सहा चिनी युद्धनौका बाहेर काढण्यास सक्षम आहे.