पाकच्या हवाई हद्दीत २१ मिनिट टिकूनच दाखवा , पाकची चिथावणी – भारताने केलेल्या ३५० अतिरेक्यांच्या खात्म्याला देखील त्यांनी चुकीचे ठरवले आहे. भारताने केलेले सर्व दावे खोटे असल्याचे पाकिस्तानी लष्कर प्रमुखाने म्हंटले आहे. कुटनीती, राजकारण आणि लष्कर या तिन्ही माध्यमातून भारताला उत्तर दिलं जाईल असंही गफूर यांनी म्हटलं आहे. 21 मिनिटं भारतीय वायुदलाची विमानं पाकिस्तानच्या हवाई क्षेत्रात होती त्यांनी दहशतवाद्यांना कंठस्नान घातले हा दावा साफ खोटा आहे. हिंमत असेल तर भारतीय वायुदलाने 21 मिनिटं आमच्या हवाई क्षेत्रात त्यांची विमानं ठेवून दाखवावीत असं आव्हानही गफूर यांनी दिलं. चार मिनिटांमध्येच आमच्या वायुदलाने दिलेल्या आव्हानामुळे भारतीय वायुदलाची विमानं त्यांच्या हद्दीत निघून गेली असं मेजर जनरल गफूर यांनी म्हटलं आहे.
https://twitter.com/OfficialDGISPR/status/1100372983925878784
३५० दहशतवादी मारल्याचा दावा खोटा – भारत जाणीवपूर्वक ३५० दहशतवादी मारल्याचा दावा केला आहे, तो देखील खोटा आहे. ज्या ठिकाणी हल्ला केल्याचा दावा भारताने केला आहे . तो आम्ही सगळ्यांसाठी खुला ठेवला आहे. पाकिस्तानमधली एक वीटही भारताला पाडता आलेली नाही. इतकंच नाही तर एकाही दहशतवाद्याचा मृतदेह त्या ठिकाणी नाही. ३५० सोडा १० दहशतवादी जरी असते तर तिथे मृतदेह असते. मात्र तिथे काहीही नाही. भारताचे पंतप्रधान खोटं बोलत आहेत, खोटं बोलण्यात ते तरबेज आहेत , असाही आरोप गफूर यांनी केला. तसेच तुम्ही हे समजू नका की आम्हाला सरप्राईज मिळाले आहे. आम्ही तुमच्या कोणत्याही हल्ल्यासाठी तयार होतो. आता आम्ही तुम्हाला सरप्राईज देणार आहोत. योग्य वेळेची वाट आता तुम्ही बघा असंही गफूर यांनी म्हटलं आहे.